‘ევროპელების’ მაჟორიტარი დეპუტატობის კანდიდატი სამცხეში სავარაუდოდ ზურა ჩილინგარაშვილი იქნება

„ჯერ ოფიციალურად დასახელებული არ ვარ, მაგრამ 95 პროცენტით მე ვიქნები. წესით 10 დღეში იქნება წარდგენა ბათუმში“, - გვითხრა ზურა ჩილინგარაშვილმა.

„ევროპული საქართველოს“ ცენტრალურ ოფისში ინფორმაცია არც უარყვეს და არც დაგვიდასტურეს.

ზურა ჩილინგარაშვილი მერვე მოწვევის პარლამენტში, „ერთიანი ნაციონალური მოძრაობიდან“, ადიგენის მაჟორიტარი დეპუტატი იყო. პარტიის გაყოფის შემდეგ იგი „ევროპულ საქართველოში“ გადავიდა.

ბოლო მონაცემებით, სამცხის ოლქში მაჟორიტარობის კანდიდატი ოთხმა პარტიამ დაასახელა: "ქართული ოცნებიდან" – ანტონ ობოლაშვილი იბრძოლებს, ვაჟა ჩიტაშვილი – "ნაციონალური მოძრაობიდან", "თავისუფლება ზვიად გამსახურდიას გზას" ზურა ხუციშვილი წარმოადგენს, ხოლო "თავისუფალი საქართველო" – გოდერძი კუბლაშვილის დასახელებას გეგმავს.

საპარლამენტო არჩევნები საქართველოში 2020 წლის ოქტომბერში, ისტორიაში პირველად, 120/30 სისტემით ჩატარდება.

[მარიამ ბარძიმაძე]