‘თავისუფალი საქართველოს’ მაჟორიტარი დეპუტატობის კანდიდატად სამცხეში გოდერძი კუბლაშვილი განიხილება

„გიდასტურებთ, რომ განხილვაშია გოდერძი კუბლაშვილის კანდიდატურა. უახლოეს მომავალში მივიღებთ გადაწყვეტილებას“, – ამბობს „თავისუფალი საქართველოს“ თავმჯდომარის მოადგილე თენგიზ ომანიძე.

გოდერძი კუბლაშვილი ამბობს, რომ „თავისუფალი საქართველოდან“ შეთავაზება რამდენიმე დღის წინ მიიღო.

„ამჟამად არც ერთ პარტიაში არ ვარ, რამდენიმე დღის წინ მივიღე შემოთავაზება „თავისუფალი საქართველოსგან“ და აუცილებლად დავთანხმდები“, - ამბობს გოდერძი კუბლაშვილი.

კუბლაშვილი არჩევნებში 2016 წელსაც მონაწილეობდა, იგი პარტია "თამაზ მეჭიაური – ერთიანი საქართველოსათვის" მაჟორიტარი დეპუტატობის კანდიდატი იყო.

დღეს, 20 აგვისტოს მონაცემებით, სამცხეში მაჟორიტარი დეპუტატობის კანდიდატი ორ პარტიას, „ქართულ ოცნებას“ (ანტონ ობოლაშვილი) და „ერთიან ნაციონალურ მოძრაობას“ (ვაჟა ჩიტაშვილი) ჰყავს დასახელებული.

[რიმა სარუხანიან]