გედევან ფოფხაძე ‘ჩვენი საქართველო - სოლიდარობის ალიანსის’ მაჟორიტარი დეპუტატობის კანდიდატია

გედევან ფოფხაძე „ჩვენი საქართველო - სოლიდარობის ალიანსის“ დამფუძნებელი, პოლიტსაბჭოს წევრი და აღმასრულებელი მდივანია.

ოქტომბრის არჩევნებზე მაჟორიტარი დეპუტატობის კანდიდატებად გედევან ფოფხაძესთან ერთად, დიდუბე-ჩუღურეთის ოლქში გია ვოლსკი, ზურა ჯაფარიძე და ანა დოლიძე არიან.

„კარგი რაიონია, კარდაკარ დავიარე და ძალიან პოზიტიური განწყობები იყო შეხვედრების დროს. მე მიმაჩნია, რომ გამარჯვების შანსი მაქვს. ჩემი კონკურენტები გია ვოლსკი და ზურა ჯაფარიძე და ანა დოლიძე არიან. მე და ზურას იდეოლოგიური წინააღმდეგობა გვაქვს, მე კონსერვატორი ვარ, ის უფრო ლიბერალია, ერთსქესიანთა ქორწინების მომხრეა, მე ტრადიციული ღირებულებების, დიდუბის ამომრჩევლის განწყობები ვიცი და მგონია, რომ მხარს მე დამიჭერენ, რაც შეეხება გია ვოლსკს, ამ შემთხვევაში არ არის სახალხო მოტივაცია მისი მოგება, ის არის ბიძინა ივანიშვილის ნების შემსრულებელი“, – ამბობს გედევან ფოფოხაძე.

მისი თქმით, „ჩვენი საქართველო - სოლიდარობის ალიანსს“ საქართველოს მასშტაბით ყველგან ეყოლება მაჟორიტარი დეპუტატობის კანდიდატები, მათ შორის სამცხე–ჯავახეთში.

„25–დან 30 აგვისტომდე რეგიონებში ჩვენს კანდიდატებს დავასახელებთ, სამცხე–ჯავახეთშიც გვეყოლება აუცილებლად, ჯერ ვერ დავასახელებ ვინ იქნებიან, რადგან პოლიტსაბჭომ უნდა მიიღოს გადაწყვეტილება“, – ამბობს ფოფხაძე და ამატებს, რომ კანდიდატებად რეგიონის ორივე ოლქში ადგილობრივს შეარჩევენ.

[sknews.ge]