COVID-19 - რა ვითარებაა მეზობელ ქვეყნებში

მთავარი → სიახლე, კორონავირუსი 17.08.2020

საქართველოს მეზობელი ქვეყნებიდან, კორონავირუსით ყველაზე მეტი, 15 740 პაციენტი რუსეთში გარდაიცვალა, აღნიშნული ქვეყანა ინფიცირებულთა რაოდენობით მსოფლიოს მასშტაბით მეოთხე ადგილზეა.

რუსეთში ბოლო 24 საათის განმავლობაში კორონავირუსის 4 892 ახალი შემთხვევაა გამოვლენილი, გამოჯანმრთელდა 3 133 პაციენტი, გარდაიცვალა – 55. ქვეყანაში ჯამში 927 745 ინფიცირების შემთხვევაა დაფიქსირებული, აქედან კორონავირუსით 15 740 პაციენტი გარდაიცვალა.

სომხეთში დაინფიცირებულთა რიცხვი დღეს 38-ით გაიზარდა და საერთო ჯამში 41 701 შეადგინა. მათგან 34 655 უკვე გამოჯანმრთელდა, 824 გარდაიცვალა. სომხეთს საგანგებო მდგომარეობა აქვს გამოცხადებული.

აზერბაიჯანში დაინფიცირების 34 219 შემთხვევაა დაფიქსირებული, მათგან 506 გარდაიცვალა, ხოლო 31 875 გამოჯანმრთელდა.

რაც შეეხება თურქეთს, ამ ქვეყანაში დაინფიცირების 249 309 შემთხვევაა, აქედან 5 974 გარდაიცვალა. გამოჯანმრთელებულია 230 969 ინფიცირებული.

საქართველოში კორონავირუსით იფიცირების შემთხვევათა რაოდენობა 1 336-მდე გაიზარდა, გამოჯანმრთელებული პაციენტები 1 092–ია. ინფექციას 17 პაციენტი ემსხვერპლა.

[რიმა სარუხანიან]