ვისი ინიციატივა იყო მინარეთის დაბრუნება

"სოფელ ჭელაში მინარეთი აღმართეს, რაც პირდაპირი და აშკარა პროვოკაციაა" - ამის შესახებ ჯონდი ბაღათურიამ "პრაიმ-ტაიმის" პრესკლუბში განაცხადა.

ბაღათურიამ შინაგან საქმეთა სამინისტროს მოუწოდა დროულად აღკვეთოს პროვოკაცია.ამავე დროს, იმოქმედოს მშვიდად. მისივე განცახდებით, ერმა ზიზღი უნდა გამოხატოს იმ ადამიანების მიმართ, ვინც რელიგიურ ნიადაგზე დაპირისპირების გამოწვევას ცდილობს. „სირცხვილი რესპუბლიკურ პარტიას და მათ ფრაქციას ადიგენში",- განაცხადა ბაღათურიამ.

ჯონდი ბაღათურია აცხადებს, რომ საქართველოში აქტიურად მოქმედებენ თურქუილი სპეცსამსახურები, რომელთა მიზანიც საქართველოს ტერიტორიის პოლიტიკური ისლამის პოლიგონად გადაქცევაა.

ჯონდი ბაღათურიას განცხადებას „რესპუბლიკური პარტიის" წევრი დავით ზურაბიშვილი გამოხმაურა.

"რესპუბლიკური პარტია" ყოველთვის რწმენის თავისუფლებისა და სარწმუნოებრივი საკითხების პოლიტიკიდან გამიჯვნის მომხრეა",- განაცხადა დავით ზურაბიშვილმა ასევე "პრაიმ ტაიმის" პრესკლუბში.

ზურაბიშვილის განცხადებით, მინარეთი ბიძინა ივანიშვილის და ირაკლი ღარიბაშვილის ინიციატივით აღდგა.

მისივე შეფასებით, მინარეთის აღმართვა სწორი გადაწყვეტილება იყო და თავის დროზე მისი იმ ფორმით დემოტაჟი საჭირო არ იყო.

შეგახსენებთ, რომ სოფელ ჭელაში მინარეთის დაბრუნების გადაწყვეტილება ადიგენის საკრებულომ გუშინ, 27 ნოემბერს მიიღო. მინარეთი გუშინ, გვიან ღამითვე დაიდგა.

[sknews.ge]