მიკროგრანტების ბიუჯეტი და საკრედიტო საგარანტიო სქემა იცვლება

„სახელმწიფო იმ კომპანიებს, რომლებიც იწყებენ ახალ პროექტებს, შედიან ახალ ბიზნესში, მხარში დაუდგება საბანკო სესხის 90%–ის გარანტიით, ხოლო იმ კომპანიებს რომლებსაც უკვე აღებული აქვთ სესხი არსებულ პროექტებში მათ სახელმწიფო მხარში დაუდგება 30%–ის გარანტიით. ეს არის ამ კომპანიების მდგრადობის და მათთვის ლიკვიდურობის დატოვების ყველაზე ეფექტური და სწრაფი შესაძლებლობა“.

გარდა ამისა ცვლილებები იქნება პროგრამა „აწარმოე საქართველოში“.

„ამ ცვლილებებს აქვს ბევრი სხვადასხვა მიმართულება. მე გამოვყოფ მხოლოდ ერთს რაც ასევე მნიშვნელოვანია. მიკრო გრანტების და მცირე მეწარმეების დახმარების პროგრამების ბიუჯეტი გაიზარდა 40 მილიონ ლარამდე და გარდა ამისა მინიმალური საგრანტო თანხა გაიზარდა 20–დან 30 მილიონ ლარამდე. ეს არის პირდაპირი დახმარება ჩვენი იმ მოქალაქეების რომლებიც მზად არიან ამ გაურკვევლობაშიც დაიწყონ ახალი ბიზნესი, შევიდნენ ახალ პროექტებში, აიღონ გარკვეული რისკი თავიანთ თავზე და წარმატების შემთხვევაში დაასაქმონ სხვა ადამიანებიც. ამ ღონისძიებების გატარებას აქვს არა მხოლოდ სოციალური, ეკონომიკური დატვირთვაც,“ – აღნიშნა პრემიერმა.

მთავრობის მეთაურის განცხადებით, თუ აქამდე პროგრამებში მონაწილე მეწარმეებს თბილისში უწევდათ ჩასვლა დეტალების გასარკვევად, ამიერიდან ეს აუცილებელი აღარ იქნება და იუსტიციის სახლებში და საზოგადოებრივ ცენტრებში შეძლებენ მიიღონ ყველა საჭირო მომსახურება.

„აწარმოე საქართველო, ისევე როგორც სხვა პროგრამები, უახლოეს ერთ თვეში საზოგადოებრივი ცენტრების და იუსტიციის სახლების საშუალებით პირდაპირ მივლენ თითოეულ ჩვენს მოქალაქესთან. ეს იმას ნიშნავს რომ ყველა ის პროგრამა, რომელსაც სახელმწიფო ახორციელებს ბიზნესის, მცირე მეწარმეების მხარდასაჭერად, იუსტიციის სამინისტროს 100 ადგილობრივ სივრცეში იქნება განთავსებული და იმის მაგივრად რომ ჩვენს მოქალაქეებს აუცილებლობა ჰქონოდათ ჩამოსულიყვნენ თბილისში და აქ ერკვიათ პროგრამების დეტალები, ახლა ეს პროგრამები იქნება თითოეული მათგანის ადგილობრივ დონეზე რაიონში, რასაც აქვს ძალიან დიდი მნიშვნელობა და დარწმუნებული ვარ ჩვენი მოქალაქეები ეფექტურად გამოიყენებენ“.

[რობი ზარიძე]