ბორჯომში მცხოვრები ახალგაზრდა კორონავირუსისგან გამოჯანმრთელდა

„ორჯერ გაუკეთეს ანალიზი და ორივეზე უარყოფითი პასუხი მოვიდა. ჩემი შვილი თავს კარგად გრძნობს, სავარაუდოდ კლინიკას დღეს დატოვებს და ჩვენთან, სახლში დაბრუნდება“, – ამბობს იგი.

ბორჯომში კორონავირუსის პირველი შემთხვევა 16 აპრილს დაფიქსირდა. დაბა ახალდაბაში მცხოვრებ 30 წლამდე პირს ვირუსი სავარაუდოდ ოჯახის ახლობელი მედდისგან გადაედო.

სამცხე–ჯავახეთში კორონავირუსით ინფიცირების ხუთი შემთხვევაა გამოვლენილი, აქედან ერთი ადგილობრივია, ხოლო ოთხი საქართველოს სხვა რეგიონებში მცხოვრები. ისინი საქართველოში უცხოეთიდან დაბრუნდნენ და ბაკურიანისა და ახალციხის საკარანტინო ზონებში იმყოფებოდნენ, სიმპტომების გამოვლენის შემდეგ კი ბორჯომის და ახალციხის „ცხელების ცენტრებში“ გადაიყვანეს, სადაც COVID-19 დაუდასტურდათ.

ექვსი მაისის მონაცემებით, ქვეყანაში კორონავირუსით ინფიცირების 610 შემთხვევაა გამოვლენილი, აქედან 269 უკვე გამოჯანმრთელდა, ცხრა გარდაიცვალა.

[ნუკა სტეფნაძე, ბორჯომი]