ახალციხეში 9 აპრილის ქუჩას სრული რეაბილიტაცია ჩაუტარდება

სატენდერო დოკუმენტაციის მიხედვით, რეაბილიტაცია ჩაუტარდება სამანქანო გზას და ტროტუარებს. ტენდერში წინადადებების მიღების ვადა 21 აპრილს იწურება.

საქართველოში ახალი კორონავირუსის გავრცელების გამო დაწესებული შეზღუდვები, მთავრობის გადაწყვეტილებით არ შეხებია ინფრასტრუქტურული პროექტების განხორციელებას.

ქვეყანაში 21 მარტიდან მოქმედებს საგანგებო მდგომარეობა, 31 მარტიდან კი კარანტინის რეჟიმი და ე.წ კომენდანტის საათი. 17–დან 21 აპრილამდე, მთავრობის გადაწყვეტილებით სრულად იკრძალება მსუბუქი ავტომობილებით გადაადგილება. ასევე სავალდებულო გახდა დახურულ სივრცეში პირბადეების ტარებაც.

მოქალაქეს, რომელიც დაარღვევს საგანგებო მდგომარეობის რეჟიმს დაარღვევს 3 000 ლარიანი ჯარიმა დაეკისრება, ხოლო იურიდიულ პირს 15 000 ლარი.

მოქმედებს ცხელი ხაზი – 144, სადაც მოქალაქეებს საგანგებო მდგომარეობასთან დაკავშირებით დასმულ კითხვებზე უპასუხებენ.

[რობი ზარიძე, ახალციხე]