შეიძლება გავხდეთ იძულებული და სასაფლაოების დახურვა მოგვიწიოს – გახარია

"ეს პირდაპირ პროპორციულად არის დაკავშირებული იმ დინამიკასთან ვირუსის გავრცელების, რომელიც იქნება. მესმის რომ არ არის მარტივი გადაწყვეტილება, თუმცა ყველას კარგად უნდა გვესმოდეს, რომ ასეთი გადაწყვეტილება შესაძლებელია. ამ გადაწყვეტილებას ჩვენ მივიღებთ უახლოეს ერთი–ორი დღის განმავლობაში. რა თქმა უნდა წინასწარ ადამიანებს გავაფრთხილებთ. მოგეხსენებათ სასაფლაოები მუნიციპალური საკუთრებებია და ჩვენ მოგვიწევს გარკვეული შეზღუდვების დაწესება, გარკვეული პერიოდით. ყველას უნდა გვესმოდეს, რომ ჩვენ ახლა ვართ ბრძოლაში და ბრძოლის ხაზი გადის ყველგან", – განაცხადა დღევანდელ ბრიფინგზე გიორგი გახარიამ.

მართლმადიდებელი ეკლესია აღდგომის დღესასწაულს 19 აპრილს ზეიმობს, 20–ში, მიცვალებულთა ხსენების დღეს, ადგილობრივები გარდაცვლილი ახლობლების საფლავებზე გადიან.

[sknews.ge]