სოფელ ჩუნჩხაში სკოლის მშენებლობა მიმდინარეობს

90 მოსწავლეზე გათვლილი სკოლა მუნიციპალური განვითარების ფონდის სახსრებით, 1 883 753 ლარად შენდება. კომპანია "ელემენტ კონსტრაქშენ ენდ დიზაინთან“ ხელშეკრულება 2019 წლის 7 ივლისს გაფორმდა.

სატენდერო დოკუმენტაციის მიხედვით შენობას ექნება:

• 9 საკლასო ოთახი, 3 კაბინეტი და 1 ლაბორატორია;
• დირექტორის კაბინეტი, კანცელარია, ბუღალტერია-არქივით;
• სამასწავლებლო;
• სასწავლო ნაწილის ოთახი;
• ბიბლიოთეკა წიგნ-საცავით;
• ექიმის კაბინეტი;
• მანდატურის/დაცვის ოთახი;
• საპირფარეშოები მოსწავლეებისათვის, ადმინისტრაციისათვის და შ.შ.მ პირებისათვის;
• კვების ბლოკი-ბუფეტი;
• დამლაგებლის ოთახი სველი წერტილით და სადეზინფექციო სათავსოთი;
• რეკრეაცია;
• ფოიე გარდერობით, დერეფანი;
• ღია ხელოვნურ საფარიანი კომბინირებული სპორტული მოედანი;

ჩუნჩხაში სკოლა 2016 წლის პირველ ნოემბერს დაიწვა.

ახალი სკოლის სამშენებლო სამუშაოები მიმდინარე წლის სექტემბერში უნდა დასრულდეს.

[sknews.ge]