საჯარო სკოლა, სადაც ბავშვებს ყვავილების მოვლას ასწავლიან [ვიდეო]

სკოლის დერეფნებში 20-ზე მეტი სახეობის მცენარეს შეხვდებით, მათი უმეტესობა კარგად ნაცნობი ოთახის ყვავილებია. მცენარეები ლელოვნის სკოლაში მას შემდეგ გაჩნდა, რაც ეთერის ინიციატივით სკოლაში მოსწავლეების ეკო-კლუბი შეიქმნა. მას შემდეგ სკოლამ ორჯერ მიიღო „მწვანე სკოლის“ სტატუსი.

კლუბს თავად ხელმძღვანელობს. გვიყვება, რომ ყვავილების გადარგვასა და მოვლაში ბავშვები ეხმარებიან, საყვავილეებად კი ყველაფერს იყენებენ, რაშიც მიწის მოთავსება შეიძლება.

“სკოლისთვის მოტანილ შეშაში აღმოვაჩინეთ ისეთი მორები, რომელებსაც შიგნით ფუღურო ჰქონდა, ეს მორები გამოვიყენეთ დერეფანში საყვავილეებად. ასეთ ხერხებს ხშირად მივმართავთ, უფრო კრეატიულია, გარემოსაც ვალამაზებთ და რესურსებსაც ვზოგავთ“, - ამბობს ეთერ მეტრეველი.



ყვავილები კაბინეტშიც აქვს. სკოლის პირველი დირექტორის ნაქონ ტანსაცმლის საკიდსაც საყვავილედ იყენებს. ამბობს, რომ როცა გაფუჭდა, გადაგდება დაენანა და საყვავილედ მოაწყო.

2016 წელს, ნიკო კეცხოველის სასკოლო პრემიის ფარგლებში, სოფელ ლელოვანის სკოლას "მწვანე სკოლის" წოდება პირველად მიენიჭა.
ლელოვნის სკოლაში მოსწავლეები ხუთი სოფლიდან დადიან. სკოლაში 152 მოსწავლე სწავლობს.



[რობი ზარიძე, ზურა სულაბერიძე, ადიგენი]