ბიძინა ივანიშვილი - 2020 წელს არჩევნები პროპორციული წესით ჩატარდება

"პოლიტიკური გაერთიანება ქართული ოცნება–დემოკრატიული საქართველო, ფართო მასშტაბიანი პოლიტიკური რეფორმის ინიციატივით გამოდის. 2020 წლის საპარლამენტო არჩევნები ჩატარდეს პროპორციული სისტემით. ნულოვანი საარჩევნო ბარიერის პირობებში, საზოგადოებას მოეხსენება, რომ სწორედ ქართული ოცნება იყო იმ საკონსტიტუციო რეფორმის ინიციატორი, რომლის ფარგლებშიც გადაწყდა, რომ საპარლამენტო დემოკრატიის პირობებში, არჩევნების პროპორციული სისტემა უკეთ პასუხობს ხელიუფლებაში მრვალპარტიული და შესაბამისად პლურალისტური პოლიტიკური წარმომადგენლობის ევროპის სტანდარტს", – განაცხადა ბიძინა ივანიშვილმა.

მისი თქმით, პროპორციულ საარჩევნო სისტემაზე გადავლა უფრო სწორი 2024 წელს იქნებოდა: "პარტიების გაძლიერებას, მათ კრისტალიზაციას ღირებულებების გარშემო, მეტ კონსოლიდაციას და კონკურენტუნარიანობის გაზრდას, გარკვეული წლები კიდევ სჭირდებოდა. დღეს მოქმედი შერეული საარჩევნო სისტემა არის აბოსლუტურად დემოკრატიული, გამართული და აპრობირებულია არაერთ ტრადიციული დემოკრატიის ქვეყნებში. ნებისმიერი პასუხისმგებლიანი მმართველი პოლიტიკური ძალის ვალია იყოს ადეკვატური ქვეყნის წინაშე მდგარი გამოწვევებისა და რაც მთავარია ესმოდეს საზოგადოების მაჯისცემა. დღეს ყველა ვხედავთ, რომ საზოგადოება ცვლილებებს ითხოვს, ჩვენი ინიციატივა კი სწორედ ფართომასშტაბიანი პოლიტიკური ცვლილებების საფუძველს იძლევა, იმავდროულად საზოგადოებრივ მოთხოვნას უნდა მოჰყვეს სამართლებრივი შედეგებიც, უნდა დაისაჯოს ის, ვინც მასობრივი ძალადობის ორგანიზება მოახდინა და ისიც ვინც ძალას გადაამეტა".

პარლამენტთან მიმდინარე აქციის მონაწილეების ერთ-ერთი მთავარი მოთხოვნა სწორედ პროპორციული სისტემით 2020 წლის საპარლამენტო არჩევნების ჩატარება იყო.

"ქართული ოცნების" ოფისში დილიდან ჯერ პოლიტსაბჭოს წევრები შეიკრიბნენ, შემდეგ კი გაფართოებულ ფორმატში საპარლამენტო უმრავლესობის სხდომა გაიმართა.

უმრავლესობის სხდომაზე აქციის მონაწილეების მიერ წამოყენებული მოთხოვნები განიხილეს.

[sknews.ge]