5 კერძი, რომელიც სამცხე-ჯავახეთში აუცილებლად უნდა გასინჯო

ამიტომაც, როდესაც ამ მხარეში მოხვდებით, უამრავი აუცილებლად სანახავი ადგილის გარდა თქვენს გეგმაში აქაური სამზარეულოც შეიტანეთ. ამ 5 კერძის სახელიც მოინიშნეთ, რადგან თუ ისინი არ გაგისინჯავთ, მაშინ არც სამცხე-ჯავახეთის გემო გაგიგიათ.

1. მესხური ქადა

სურნელი ვახსენეთ და ქადით დავიწყოთ. ქადას მესხეთში თითქმის ყველა ოჯახში აცხობენ. ზოგს ის მარილიანი გულით უყვარს, ზოგს ტკბილით, ზოგსაც კი გულის გარეშე.



2. ლუხუმი

ლუხუმი ერბოში ან ზეთში გამომცხვარი და დაბრაწული პატარა მრგვალი ნამცხვარია, თუმცა უნივერსალურია. მას დესერტადაც მიირთმევენ, თაფლით, ნაღებით ან მურაბით, თუმცა ბევრს ყველთან ან სხვა მარილიან საჭმელთან ერთად ურჩევნია. ლუხუმს ბუშტულასაც ეძახიან, რადგან ცომის ბურთულა ცხელ ტაფაზე დადებისთანავე ბუშტივით იბერება.



3. თუთმაჯი

აქაც ცომის ბურთულებია, ე.წ. მურკლები ან კორკოლიტები, თუმცა თუთმაჯი წვნიანია და მას თითქმის ყველა მესხურ ოჯახში სასურველ ვახშმად მიიჩნევენ.



4. მაკარლამა

თუთმაჯივით თითქმის ყოველდღიურად ამზადებენ მაკარლამასაც. მოხარშული ცომის ნაჭრები ზემოდან მოყრილი ნიგვზით, ყველითა და მოხრაკული ხახვით, ჩვენს მხარეში ძალიან პოპულარულია.



5. აპოხტის ხინკალი

ამ კერძს სხვაგან მაინც ვერსად შეჭამთ, ის სამცხე-ჯავახეთის ექსკლუზივია. აპოხტი ჯავახურად გამხმარ, გამომშრალ ხორცს ნიშნავს. მართალია აპოხტის ხინკალს უფრო ხშირად ზამთრობით ამზადებენ, თუმცა ბევრ ოჯახში ხინკლისთვის გამომშრალ ხორცს ამ დრომდეც ინახავენ.



თუ საჭმლის მომზადება გიყვართ, ან იმის ყურება მაინც, როგორ ამზადებენ კერძებს, მაშინ თვალი ადევნეთ SKკულინარიას. აქ სხვა გემრიელ, უცხო და მარტივად მოსამზადებელ კერძებსაც ნახავთ.

[sknews.ge]