13 წარმატებული ახალგაზრდა ბორჯომიდან ®

მერმა ლევან ლიპარტიამ, საკრებულოს თავმჯდომარემ გიორგი გოგიჩაიშვილმა, მერის პირველმა მოადგილემ დავით ზაალიშვილმა და კულტურის სამსახურის ხელმძღვანელმა მარინა ხუჯაძემ მათ ფულადი ჯილდოები და მადლობის სიგელები გადასცეს.

როგორც შეხვედრაზე აღინიშნა, №1 საჯარო სკოლის პედაგოგ ნათელა ღლონტის შვიდმა მოსწავლემ ნახატების საერთაშორისო კონკურსებში საპრიზო ადგილები დაიკავეს, კლასიკური მუსიკის მე-12 რესპუბლიკურ კონკურსზე კი ოქროს მედლები მოიპოვეს ლირა ნადაშვილის ორმა მოსწავლემ. მე-3 სკოლის ორი და ახალდაბის საჯარო სკოლის ერთი მოსწავლე მუნიციპალიტეტის მიერ გამართული კონკურსის „გაიცანი ევროპა და განავითარე შენი ქალაქი“-ს გამარჯვებულები გახდნენ.

დიდ წარმატებას მიაღწია ასევე სასპორტო სკოლის მწვრთნელ გიორგი ჯეირანაშვილის მოსწავლემ, ნოდარ რობაქიძემ. ის, საქართველოს სარეიტინგო პროფესიონალურ კრივში, საქართველოს „ჩემპიონის ქამარს“ დაეუფლა.

ბორჯომის მუნიციპალიტეტი წარმატებული ახალგაზრდების ხელშეწყობასა და წახალისებას მომავალშიც აქტიურად გააგრძელებს.