ახალციხელმა მოსწავლეებმა ტექნოლოგიურ კონკურსში საქართველოს პირველობა მოიპოვეს

თაკო თათეშვილმა,მარიამ აფრიამაშვილმა, ნინო ჟუჟუნაძემ, სალომე გვირჯიშვილმა და ნია კაჭკაჭაშვილმა ინგლისურენოვანი აპი შექმნეს, რომლის საშუალებითაც ტურისტი მიიღებს ინფორმაციას როგორც ქალაქის შიდა, ასევე საქალაქთშორისო ტრანსპორტის მოძრაობის განრიგის შესახებ. აპი ასევე უჩვენებს ავტობუსის გაჩერების რუკასაც.

„ტურისტებისთვის, რომელბიც საქართველოში მოგზაურობენ, რთულია ტრანსპორტით გადაადგილება და აქვთ ენობრივი ბარიერი. გადავწყვიტეთ ამ, პროგრამის საშულებით მიგვეწოდებინა ინფორმაცია მაგალითად რა ღის მგზავრობა, რომელ საათზე გადის მიკროავტობუსი, რა დრო დასჭირდება ერთი ადგილიდან მეორემდე მისვლას“,–ამბობს თაკო თათეშვილი.

გოგოები სპეციალური პროგრამის შექმნაზე ხუთი თვის განმვალობაში მუშაობდნენ. ამ ეტაპზე პროგრამაში მოცემულია ინფორმაცია შემდეგ ქალაქებზე, ესენია ახალციხე, ახალქალაქი, ბორჯომი, ნინოწმინდა, გორი, თბილისი, ბათუმი და ქუთაისი.

„გვინდა, რომ დავამატოთ ინფრომაცია მთელი საქართველოს სხვა ქალაქების შესახებაც“, – ამბობს თაკო თათეშვილი.

საქართველოს პირველობისთვის 13 გუნდი იბრძოდა. პროექტში “ტექნოლოგია საქართველო“ გამარჯვებული 21 მაისს გამოვლინდა.

გამარჯვებული გოგონები მსოფლიოს ტექნოლოგიური კონკურსის ნახევარფინალში არიან, ისინი ამჯერად სხვა ქვეყნების გამარჯვებულ გუნდებს შეეჯიბრებიან. გამარჯვების შემთხვევაში კი კალიფორნიაში, სილიკონის ველზე გაემგზავრებიან, რომელიც არის მსოფლიოს მაღალტექნოლოგიური ინდუსტრიული ზონა.



[მარიამ ბარძიმაძე, ახალციხე]