რეგიონის მთავარ მეტყევეს ‘ბორჯომის გმირი 2019’ – ის სტატუსი მიენიჭა

ღონისძიება ბორჯომის პლატოს ტერიტორიაზე გაიმართა. აქვე ეროვნული სატყეო სააგენტოს მხარდაჭერით IDS ბორჯომის საქართველოს ინიციატივით 2500 კავკასიური ფიჭვის ნერგი დარგეს.

კობა სილაგაძე დაახლოებით ცხრა წელია რაც სააგენტოში მუშაობს. მისთვის გმირის სტატუსის მინიჭება მოულოდნელი იყო.

„2018 წელს პირველად დაჯილდოვდნენ ისინი, ვინც ხანძრის ჩაქრობაში მიიღეს მონაწილეობა. წელს კი ყურადღება ბუნებაზე ზრუნვის ჭრილში გაამახვილეს და მე დამაჯილდოვეს. ეს ნამდვილად მოულოდნელი იყო, იმიტომ რომ ჩემზე უფრო გამოცდილი მეტყევეებიც არიან სააგენტოში“, – ამბობს სილაგაძე.

ნახეთ "სამხრეთის კარიბჭეს" მიერ მომზადებული მასალა: ტყეში გატარებული ნახევარი საუკუნე – სამცხე–ჯავახეთის ტყის მცველები

[მარიამ ბარძიმაძე, ბორჯომი]