აბასთუმანში ბოლო დღეს ერთდროულად ცხრა კანდიდატი დარეგისტრირდა

19 მაისს, აბასთუმნის N2 საარჩევნო უბანზე რეგისტრირებულმა ამომრჩეველმა არჩევანი ცხრა კანდიდატს შორის უნდა გააკეთონ. დეპუტატობის კანდიდატებს საარჩევნო ნუმერაცია უკვე მინიჭებული აქვთ.

„ყველა მათგანმა, 19 აპრილს შემოიტანა განაცხადი და დარეგისტრირდნენ“,–განუცახადეს „სამხრეთის კარიბჭეს“ N38 ადიგენის საარჩევნო ოლქში.

დარეგისტრირებულ კანდიდატებს შორის არის „ქართული ოცნების“ მიერ წარდგენილი კანდიდატი გენადი ბოლქვაძე, რომელმაც აბასთუმანში საარჩევნო შტაბიც გახსნა და მოსახლეობასთან შეხვედრებიც დაიწყო.

როგორც უკვე ცნობილია, 2019 წლის შუალედური არჩევნებში მონაწილეობას „ევროპული საქართველო“ და „ნაციონალური მოძრაობა“ არ მიიღებს.

2019 წლის 19 მაისს აბასთუმნის შულედურ არჩევნებში შემდეგი კანდიდატები მიიღებენ მონაწილეობას:

1 „მოძრაობა სახელმწიფო ხალხისთვის” გიორგი კოღუაშვილი;

4 „ქრისტიან-დემოკრატიული მოძრაობა” ზურაბ ხუციშვილი;

21 „მოძრაობა თავისუფალი საქართველოსთვის” მედეა სოლოდკო;

23 „ახალი ქრისტიანდემოკრატები” ანიკო ბუცხრიკიძე;

27 „პოლიტიკური პლატფორმა - ახალი საქართველო” დავით ალხანაშვილი;

33 „საქართველოს ძალოვან ვეტერანთა და პატრიოტთა პოლიტიკური მოძრაობა” ცისანა მელიქიძე;

38 „ეროვნულ-დემოკრატიული პარტია (ედპ)” დავითი ბახტაძე;

39 „ქრისტიანკონსერვატორები” გრიგორი დარსანია;

41 „ქართული ოცნება - დემოკრატიული საქართველო” გენადი ბოლქვაძე;

[ლუბა გიორგაძე, ადიგენი]