‘გამოგონება პრობლემების საპასუხოდ ჩნდება’–კარლო ხუციშვილის მარტივი და რთული ქმნილებები

მისი გამოგონებები ჯერ-ჯერობით არ განხორციელებულა. კარლო საკუთარ მიღწევებს შორის სამს გამოარჩევს:



„ჩემი ერთ–ერთი გამორჩეული გამოგონება უპილოტო გამნაღმველია. სისტემა რომლითაც მსოფლიოს ოლიმპიადა მოვიგე, მისი საშუალებით მაქსიმალურად უსაფრთხოდ შევძლებთ განაღმვას, თანაც ადამიანების გარეშე. აფიქსირებს ნაღმს და ამოიცნობს. აიპადის ან ნებისმიერი ტელეფონის საშუალებით იმართება, აღმოაჩენს და შემდგომ მიდის მეორე დრონი, რომელიც განაღმვით სამუშაოს აწარმოებს".



„ეს გამოგონება სრულიად ჭრის იმ პრობლემებს, რაც ეტლით მოსარგებლეებს ექმნებათ. მაგალითად პარკინგის პრობლემა, უსაფრთხოება, ეტლი უსინათლოებისთვისაც არის და სენსორების საშუალებით შეუძლიათ მართვა. ასევე სპეციალური აპლიკაცია, რომელიც ეტლით მოსარგებლეს ეხმარება და თავისთვის ნებისმიერ ინფორმაციას აწვდის სხვა სპიკერის საშუალებით. რაც მთავარია, ეტლი კომპაქტურია და მინიმალურ დონეზე იკეცება".



„ეს გამოგონება ფერმერებს ეხმარება, რომ ონლაინ გაიგონ კლიმატური პირობები და მის საშუალებით დაგეგმონ თავიანთი საქმე.
ამ ტექნოლოგიას შეუძლია მითითებულ კოორდინატორზე წავიდეს, აიღებს მიწის სინჯებს, დაადგენს კლიმატს, ტენიანობას, ტემპერატურს და მოუტანს ფერმერს ინფორმაციას, უღირს თუ არა აქ დათესოს რაიმე, რა მოსავალს მიიღებს და ა.შ".

ახალგაზრდა გამომგონებელს დანარჩენის სურპრიზად დატოვება სურს, თუმცა რამდენიმეს ჩვენი მკითხველისთვის ასაჯაროებს. მათ შორისაა ხელთათმანი და ჩაფხუტი: „იმ ადამიანებისთვის, ვინც ხელს ვერ შლის, ხელთათმანს გაიკეთებს და შეძლებს საყოფაცხოვრებო საქმეებში ჩართვას.
ჩაფხუტი, რომელშიც ჩამონტაჟებულია ჰაერით დატუმბული კოლბა და სპეციალური სენსორი, რომელიც აფიქსირებს გადახრას, რა შემთხვევაშიც ავტომატურად იშლება ჩაფხუტი და მთლიან თავზე ეფარება და იცავს დაზიანებისგან. ჩაფხუტი მრავალჯერადია.“

ახალციხელი გამომგონებელი 2015 წელს, საქართველოს ნორჩ გამომგონებელთა კონკურსის, „ლეონარდო და ვინჩის“ გამარჯვებული გახდა, შემდეგ კი ინტელის საერთაშორისო-საინჟინრო გამოფენის მონაწილეც იყო.

ამ სტატიის კითხვისას, მისი გამოგონებების ჩამონათვალი შესაძლოა 13 გახდეს. ახლა პროექტ „ზევსზე“ მუშაობს: „ტყეები ხშირად იწვის და ვერ ახდნენ სწრაფად მის ჩაქრობას და ვმუშაობ სპეციალური დრონების სისტემაზე, რომელიც იგებს ტყეში გაჩენილ ცეცხლზე და მის დროულ ლოკალიზებას ახდენს, ასევე ინფორმაციას შესაბამის უწყებებსაც აწვდის“.

კარლოს ამბიციური გეგმები აქვს: „მალე გავასაჯაროვებ პრეოქტებს და იმედი მაქვს ახალი გამოგონებები გააუმჯობესებს ადამიანების ცხოვრებას. ჩემი მიზანი საქართველოში მეცნიერების დონის ამაღლებაა, როგორც სკოლებში ასევე უნივერსიტეტებში და სხვა დაწესებულებებში. გამოგონებით შეგიძლია შეცვალო ადამიანთა ყოფა და უპასუხო მნიშვნელოვან პრობლემებს. დიდი გამოგონებები ხომ მნიშვნელოვანი პრობლემების საპასუხოდ ჩნდება“.

[ავთო ინასარიძე, ახალციხე]