FM97.5 / LIVE

რატომ იტყუებიან ადამიანები

მთავარისიახლე, საზოგადოება 01.04.2019
„ახალგაზრდა ქალს უნდა, რომ სხვა ადამიანს თავი მოაწონოს და თმები შეიღება, ეს ტყუილია თუ არა?“ – ფსიქოლოგი ზურა მხეიძე ტყუილის ფსიქოლოგიასა და სოციუმში მისი ფუნქციის შესახებ გვიყვება.

რატომ იტყუებიან ადამიანები

ტყუილის ფენომენზე საუბრისას ფსიქოლოგი ამბობს, რომ ტყუილი სოციალურ გარემოში ადამიანების განუყოფელი ნაწილია და ის შეიძლება სასარგებლოც იყოს.

„სოციალურ გარემოში ტყუილს აქვს ძალიან კონკრეტული ფუნქცია. მისი საშუალებით ადამიანი სარგებელს იღებს. ოღონდ ეს სარგებელი ყოველთვის მატერიალური არაა, აქ ლაპარაკია იმაზე, რომ ტყუილის ფუნქცია სოციალურ გარემოში ადაპტაციის ფუნქციაა. ადამიანმა როცა იცის, რომ სიმართლის შემთხვევაში დაისჯება, იძულებულია სიტუაციას მოერგოს და ტყუილი თქვას. გარდა ამისა, ვიტყუებით ქცევითაც, მაგალითად, ახალგაზრდა ქალს რომ უნდა, ადამიანს თავი მოაწონოს და თმები შეიღება, ეს ტყუილია თუ არა? რა თქმა უნდა ტყუილია“.

ზურა მხეიძის განმარტებით, ტყუილს ორი ძირითადი მიმართულება აქვს – ერთი სოციუმში არსებული სტატუსის შენარჩუნებას ემსახურება, ხოლო მეორე არსებული სტატუსის ამაღლებას.

„არის მომენტები, როდესაც ვიტყუებით იმიტომ რომ სიმართლის თქმის შემთხვევაში, სხვის თვალში უარყოფითად არ გამოვჩნდეთ. მაგალითად, უფროსს ვატყუებთ, რომ სამსახურში ტრანსპორტის გამო დავიგვიანეთ. მეორე მიმართულება არის, როდესაც თქვენს თვალში უნდა მოვიმატო სტატუსი და ამიტომ ვიგონებ საკუთარ თავზე ამბებს და მივიწერ ისეთ თვისებებს, რაც სინამდვილეში არ მაქვს. ამ ტიპის ტყუილები დამახასიათებელია გარდატეხის ასაკისთვის. ამას პატარა ბავშვი არ აკეთებს, რადგან ის სოციალურ სტატუსს არ ეძებს“.

შეკითხვაზე, შეგვიძლია თუ არა ვთქვათ, რომ ტყუილი კარგია, ან ცუდი, ფსიქოლოგმა კითხვითვე გვიპასუხა: „კანკალი კარგია თუ ცუდი? ერთის მხრივ ცუდია, მაგრამ როცა გცივათ, ორგანიზმი კანკალს იწყებს გარემოსთან ადაპტაციის მიზნით, რომ სითბო გამოიმუშაოს. ასეა ტყუილის შემთხვევაშიც, როგორ შეიძლება ადაპტაციის მექანიზმზე ვთქვა ცუდია თუ კარგი?“

ტყუილის ფსიქოლოგიაზე საუბრისას ზურა მხეიძე გვიხსნის, რომ ადამიანები არამხოლოდ სხვას, არამედ საკუთარ თავსაც ხშირად ვატყუებთ: „კინოში რომ მიდიხარ ძალიან კარგად იცი, რომ იქ არავინ კვდება, მაგრამ მაინც ვტირით. ვირტუალური რეალობა რას ნიშნავს? თუ ვირტუალური რეალობა არსებობს, ასევე არსებობს ტყუილის რეალობაც. ტყუილის მორალური ღირებულება განზრახვით განისაზღვრება“.

ფსიქოლოგი მიიჩნევს, რომ ტყუილის მიმართ ცალსახად ნეგატიური დამოკიდებულება აბსოლუტურად სისულელეა: „თუმცა თუ ჩვენ ნებისმიერ მოქალაქეს დავუსვამთ პირველ კითხვას – რას ფიქრობ ადამიანზე, რომელიც იტყუება? სავარაუდოდ პასუხად მიიღებთ ლანძღვა–გინებას. თუ შემდეგ დავსვამთ მეორე შეკითხვას, – მოგიტყუებიათ თუ არა ოდესმე ვინმე? მას მაშინვე შეეცვლება გამომეტყველება და დაიწყებს თავის მართლებას, გიპასუხებთ – ხო, მაგრამ დაამატებს, რომ სხვისთვის დამაზიანებელი არ უთქვამს. ესაა სტანდარტული შემთხვევა, როგორც იქცევა ადამიანების 99%“.

მსოფლიოს მასშტაბით არაერთ ქვეყანაში პირველ აპრილს „სულელის დღე“ აღინიშნება და ტყუილი შეგნებულად ვრცელდება. მისი წარმოშობის შესახებ არაერთი ვერსია არსებობს, თუმცა რომელია მათ შორის მართალი, არავინ იცის.

ამ დღის მიმართ არცერთ სახელმწიფოს პოზიცია არ აქვს და ოფიციალურადაც არსად აღინიშნება. თუმცა მკაფიო პოზიცია აქვს მართლმადიდებლურ ეკლესიას და ის პირველ აპრილს, როგორც ტყუილის დღეს, აღდგომის დღესასწაულის შარჟად მიიჩნევს და ცოდვას უწოდებს.

[ავთო ინასარიძე, ახალციხე]


24.10.2020 პროექტი 'ევროპული სწავლების სამკუთხედი' ახალციხის სკოლებში

23.10.2020 ახალციხის 9 ბაღში სწავლა 4 დღით შეწყდება

22.10.2020 კორონავირუსის გამო ახალქალაქის 2 სკოლაში დისტანციურად სწავლობენ

22.10.2020 კორონავირუსის გამო ნინოწმინდის 4 სკოლაში დისტანციურად სწავლობენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.10.2020 ‘ენზელ მკოიანის აქტივისტმა დამარტყა’ – სამველ მანუკიანი ახალქალაქში მომხდარ ინციდენტზე

26.10.2020 ‘გადაუხდელობის გამო, ბუნებრივი აირის მიწოდება არ შეწყდება’ – ‘ინტერგაზი’

25.10.2020 ბორჯომ–ხარაგაულის ეროვნული პარკი „Welcome To Georgia“– ს დაჯილდოებაზეა ნომინირებული

24.10.2020 სამცხე–ჯავახეთში უქმე დღეებში თბილი და მზიანი ამინდია მოსალოდნელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.10.2020 SKამბები: მოხუცების სოფელი [აუდიო]

14.10.2020 SKამბები: აბასთუმანი – ხაბაზთუმანი [აუდიო]

10.10.2020 როცა ბუნების გესმის – მეტყევე ძმები ბორჯომიდან [ვიდეო]

07.10.2020 SKამბები: წნისი თუ წინისი [აუდიო]

მსგავს თემაზე

'მიმდინარეობს 'ოცნების' 'ნაციონალიზაციის' პროცესი' – ფოფხაძე

‘ტყუილია, რომ ადამიანები მიყრილები არიან სახლებში და მათ არავინ მკურნალობს’ - მეზვრიშვილი
'უნიჭო ბავშვი არ არსებობს' – მზევინარ მჟავანაძე წარმატებული მასწავლებელი ახალციხიდან
ადგილობრივების შეფასებები ენის სტატუსის შესახებ
’ბავშვებს სკოლის პერიოდში მორალური პრობლემები უჩნდებათ’
5 რჩევა ფსიქოლოგისგან - როგორ დავძლიოთ იზოლაციით გამოწვეული დეპრესია