დავით ბაქრაძე: ჩვენი გეგმა არეულობა და დესტაბილიზაცია არ არის

ამის შესახებ ბაქრაძემ პრესკონფერენციაზე მანამდე განაცხადა, ვიდრე გრიგოლ ვაშაძე აქციებს დააანონსებდა.

მისი თქმით, ქვეყნის სტაბილურობას და უსაფრთხოებას საფრთხეს უქმნის ბიძინა ივანიშვილის ხელისუფლება.

"აქედან გამომდინარე მთელი პასუხისმგებლობით მივიღებთ, ისეთ გადაწყვეტილებას ,რომელიც მოემსახურება ჩვენი ქვეყნის გრძელვადიან ინტერესს", — აღნიშნა დავით ბაქრაძემ.

საქართველოს ექს-პრეზიდენტმა, მიხეილ სააკაშვილმა გუშინ, 28 ნოემბერს, როცა ცნობილი გახდა, რომ ხელისუფლების მხარდაჭერილი კანდიდატი, სალომე ზურაბიშვილი იმარჯვებდა დაუმორჩილებლობაზე ისაუბრა.

"ჩვენ გადავდივართ მასობრივი დაუმორჩილებლობის მოძრაობაზე. მე მოვუწოდებ საქართველოს პოლიციას დადგეს ხალხის მხარეს. მე მოვუწოდებ შეიარაღებულ ძალებს არ შეასრულონ უკანონო ბრძანებები", — აღნიშნა სააკაშვილმა.

დღეს, 29 ნოემბერს, „გაერთიანებული ოპოზიციის“ საპრეზიდენტო კანდიდატი გრიგოლ ვაშაძე მხარდამჭერებს შეხვდა და განაცხადა, რომ არჩევნების შედეგებს არ აღიარებს და მშვიდობიანი მანიფესტაციების მოწყობას გეგმავს.

[sknews.ge]