მამის ცემაში ბრალდებულს აღკვეთის ღონისძიებად გირაო შეეფარდა

ზ.ყ–სთვის აღკვეთის ღონისძიების შეფარდებაზე ახალციხის რაიონული სასამართლოს მოსამართლემ შალვა მჭედლიშვილმა დღეს, 17 ოქტომბერს იმსჯელა. სხდომის დასრულების შემდეგ ბრალდებული სასჯელაღსრულების დაწესებულებაში გადაიყვანეს, თუმცა, გირაოს გადახდის შემდეგ იგი საპატიმროს დატოვებს.

შეგახსენებთ, რომ შემთხვევა 15 ოქტომბერს, დღის მეორე ნახევარში მოხდა. სანტექნიკის მაღაზიაში მამასა და შვილს შორის სიტყვიერი შელაპარაკება ფიზიკურ დაპირისპირებაში გადაიზარდა. შსს–მ შვილი მამის ცემის ბრალდებით დააკავა.მომხდარზე ძიება სსკ–ს 126–ე პრიმა მუხლით მიმდინარეობს, რაც ოჯახში ძალადობას გულისხმობს.

[ლუბა გიორგაძე, ახალციხე]