ახალციხეში ‘ევროპული საქართველოს’ მიერ პლაკატების გაკვრის კანონიერებას შეისწავლიან

მარდის დასახლებაში ამბობენ, რომ "ეროპული საქართველოს" პრეზიდენტობი კანდიდატის დავით ბაქრაძის პლაკატები დაახლოებით ორი კვირის წინ გააკრეს.

ადგილი, სადაც ბაქრაძის პლაკატებია გაკრული საკრებულოს მიერ მიღებულ არც აკრძალულ და არც ნებარდართულ ნუსხათა ჩამონათვალშია.

„ყოველთვის იკვრებოდა მაგ ადგილზე. ის რაც აკრძალული არ არის, დაშვებულია“, – ამბობს „ევროპული საქართველოს“ ახალციხის რაიონული ორგანიზაციის თავმჯდომარე გელა დემეტრაძე.

ახალციხის მუნიციპალიტეტის მერიაში აცახდებენ, რომ ამ საკითხზე დაწყებულია მოკლევა: „თუ დადგინდა პიროვნება, ამ შემთხვევაში შესაბამის ზომებს გავატარებთ“.

„საერთაშორისო გამჭირვალობა– საქართველოს“ იურისტი გიგი ჩიხლაძე ამბობს, რომ აღნიშნულ ტერიტორიაზე პლაკატის გაკვრა ნებადართული არ არის და შესაბამისად მუნიციპალიტეტს შეუძლია პარტია დააჯარიმოს: „ეს ადგილიც აკრძალულში უნდა ჩაითვალოს, თუმცა უნდა ავღნიშნო, რომ მსგავსი ფაქტები თითქმის ყველა არჩევნებზეა და აღსრულებაც არ ხდება–ხოლმე“.

შეგახსენებთ, რომ თუ სააგიტაციო მასალა წინასწარ განსაზღვრულ ადგილზე არ იკვრება, ამით ქალაქის იერსახე მახინჯდება, შესაბამისად პარტია ადმინისტრაციული წესით ჯარიმდება.ჯარიმის ოდენობა 50 ლარიდან იწყება.



[თინათინ ზაზაძე, ახალციხე]