ცესკო: ჩვენი სახელით მოქალაქეებს უკავშირდებიან და მათ მონაცემებს ამოწმებენ

ცენტრალური საარჩევნო კომისია არჩევნებში ჩართულ მხარეებს მიმართავს და მოუწოდებს, რომ ამომრჩევლებთან ურთიერთობისას ნუ ისარგებლებენ საარჩევნო ადმინისტრაციის სახელით.

"საარჩევნო ადმინისტრაცია არ ახორციელებს ამომრჩევლების მონაცემების შემოწმებას არც სატელეფონო და არც კარდაკარ ურთიერთობის ფორმით.
შეგახსენებთ, რომ საუბნო საარჩევნო კომისიები ფუნქციონირებას კენჭისყრის დღემდე ერთი თვით ადრე, 28 სექტემბერს დაიწყებენ; საუბნო საარჩევნო კომისიების წევრები კომპეტენციის ფარგლებში განახორციელებენ დადგენილ პროცედურებს, მათ შორის გაავრცელებენ ამომრჩეველთა ბარათებს და მოქალაქეებთან ურთიერთობისას ექნებათ საარჩევნო კომისიის წევრობის შესაბამისი დამადასტურებელი მოწმობა", – ნათქვამია ცესკოს მიერ გავრცელებულ განცხადებაში.

[sknews.ge]