რატომ მიდიან ქართველი ჯარისკაცები ავღანეთში? [Video]

მთავარი → SK TV » ვიდეო 26.06.2013

32 წლის ირინა ნებიერიძე, რომელიც ავღანეთში 2010 წელს, 6 თვით, მაღალი ანაზღაურების გამო წავიდა, ამბობს, რომ იქ ბევრ ქართველს ხვდებოდა, რომლებიც ამბობდნენ, რომ ავღანეთში ანაზღაურების გამო იყვნენ.

რატომ მიდიან ქართველი ჯარისკაცები ავღანეთში, ეს გამოკითხვა "სამხრეთის კარიბჭემ" 13 ივნისს, თბილისში ჩაატარა.

მარჯანიშვილის მოედანზე გამოკითხული 8 მოქალაქიდან, 2-მა გვითხრა, რომ ქართველები ავღანეთში ანაზღაურების გამო მიდიან, 2-მა ქვეყნის საერთაშორისო ვალდებულებაზე გაამახვილა ყურადღება, ერთი გამოკითხული ფიქრობს, რომ პატრიოტიზმის გამო მიდიან, ერთი მათგანი კი ამბობს,რომ ქართველები ავღანეთის მისიაში პროფესიული გამოცდილების მისაღებად მიდიან.

8 მოქალაქიდან, 2 ამბობს, რომ ანაზღაურება არაფერ შუაშია. ქართველმა ჯარისკაცებმა იციან სად და რატომ მიდიან. მაღალ ანაზღაურებაში კი დასაძრახი არაფერია.

შეგახსენებთ, დღეს, 26 ივნისს, საქართველოში ნატოს ჩრდილოატლანტიკური საბჭო(NAC) და გენერალური მდივანი ანდერს ფოგ რასმუსენი ჩამოვიდნენ.

რასმუსენმა განაცხადა, რომ ქართველი ჯარისკაცები არ იმყოფებიან ავღანეთში იმისთვის, რომ საქართველოს ნატო-ში შესვლის ნებართვა მოუპოვონ: 'ავღანეთში ქართული ჯარები ახორციელებენ გაეროს მანდატს. ისინი იქ იმყოფებიან რათა საქართველოს უსაფრთხოების ინტერესებს ემსახურონ'.

[ნინო ნარიმანიშვილი]