მეორე მსოფლიო ომის ვეტერანი ახალციხეში მიწის დაკანონებას ითხოვს

მეორე მსოფლიო ომის ვეტერანს მიწის ნაკვეთი ახალციხეში, სასპორტო სკოლის მიმდებარე ტერიტორიაზე, მდინარე ფოცხოვის სანაპიროსთან აქვს.

„ქვებისგან გავწმინდე, 200 მანქანა მიწა მივიტანე და ნაკვეთად ვაქციე, მაგრამ არ მიფორმებენ. ჯერ კიდევ ათი წლის წინ დამპირდნენ გამგეობაში მოგცემთო, ამის მერე კოპაძესაც ვთხოვე (ახალციხის ყოფილი მერი) ცხრა მაისის ერთ–ერთ ღონისძიებაზე და ისიც დამპირდა გაგიფორმებო, მაგრამ არ ვიცი რა გახდა პატარა მიწის ნაჭერი ვეტერანისთვის“, – ამბობს მეორე მსოფლიო ომის ვეტერანი ალექსანდრე პეტრიაშვილი.

ახალციხის მუნიციპალიტეტის მერიაში აცხადებენ, რომ აღნიშნულის შესახებ მათ ინფრომაცია არ ჰქონდათ: „ახალციხის მერმა ზაზა მელიქიძემ ცხრა მაისს, ფაშიზმზე გამარჯვების 73–ე წლისთავთან დაკავშირებით მიძღვნილ ღონისძიებაზე გაიგო ეს ამბავი. მერიის წარმომადგენლები დაათვალიერებენ მიწის ნაკვეთს, შეისწავლიან საკითხს და აუცილებლად გაუწევენ დახმარებას“.

[თინათინ ზაზაძე, ახალციხე]