ტურისტული ბიზნესის წამოწყების მსურველებს ფონდების მოძიებას ასწავლიან

ტურისტული ბიზნესის წამოწყების მსურველებს, საერთაშორისო და ადგილობრივ ტურისტულ პლატფორმებზე რეგისტრაციას,ფონდების მოძიებას და სოციალურ მედიაში რეკლამის განთავსებას ასწავლიან. ამისთვის ტრენინგების ჩატარებას "კრეატიული განვითარების ცენტრი", USAID-ის პროგრამა „ზრდა“ იწყებს.

ტრენინგებისთვის მონაწილეები შეირჩევიან: ზუგდიდიდან, გორიდან, კასპიდან, ახალციხიდან, ბორჯომიდან, მარნეულიდან, ახმეტიდან, წალენჯიხიდან, ადიგენიდან, ნინოწმინდიდან, ასპინძიდან.

პროექტის სამიზნე ჯგუფს წარმოადგენს ნებისმიერი ასაკის ადამიანი, რომელსაც აქვს სასტუმრო, სასტუმრო სახლი, ან სურვილი, რომ საკუთარი კერძო საკუთრება, თუნდაც არსებული ორი ოთახის სახით, გამოიყენოს ტურისტული ბიზნესის განვითარებისთვის.

შერჩეულ მონაწილეებს ტრენინგები ზაფხულში ჩაუტარდებათ. მათ თარიღი წინასწარ ეცნობებათ. განაცხადების მიღების ბოლო ვადა 30 აპრილია.

მსურველებმა, ონლაინ აპლიკაცია უნდა შეავსონ.

[sknews.ge]