ვის ვირჩევთ 21 ოქტომბერს – რამდენი ბიულეტენი დახვდება ამომრჩეველს კაბინაში

ადგილობრივი თვითმმართველობის არჩევნებმადე 33 დღე დარჩა, პოლიტიკური პატრიების უმეტესობამ კანდიდატები უკვე წარადგინა, დაწყებულია წინასაარჩევნო კამპანიაც.

2017 წლის ადგილობრივი თვითმმართველობის არჩევნებზე ქალაქებისა და თემების ხელმძღვანელებსა და საკრებულოებს ვირჩევთ. საკრებულო პროპორციული და მჟორიტარული წესით არჩეული დეპუტატებისგან კომპლექტდება, შესაბამისად, ამ არჩევნებზე, ამომრჩეველს, საარჩევნო კაბინაში სამი ბიულეტენი დახვდება, – ერთ ბიულეტენზე – მერობის კანდიდატები იქნება, მეორეზე – მაჟორიტარობის, მესამეზე კი პარტიები.

ახალციხის საოლქო–საარჩევნო კომისიაში გვიხსნიან, რომ მერისა და პროპორციული სიის ბიულეტენი ყველა საარჩევნო უბანში ერთიდა იგივე იქნება, ხოლო სხვადასხვა მაჟორიტარულ ოლქში განსხვავებული იქნება მაჟორიტარი დებპუტატობის კანდიდატების ბიულეტენები.

ახალციხეში, მას შემდეგ რაც ქალაქი და თემი გაერთიანდა, ჯამში 18 მაჟორიტარული ოლქი იქნება სამი ქალაქში, ხოლო 15 სოფელში.

მოსახლეობა ახალციხის საკანონმდებლო ორგანოს 33 დეპუტატს შეარჩევს, აქედან მაჟორიტარული წესით შეირჩევა 18, ხოლო პროპორციული წესით 15 დეპუტატი.

საარჩევნო კაბინაში ამომრჩევლებს სამივე ბიულეტენი დახვდებათ, გარდა გამონაკლისებისა, მაგ:კომისიის წევრი, რომელიც არ ეკუთვნის აღნიშნულ მაჟორიტარულ ოლქს, ის მხოლოდ ორი ბიულეტენით ისარგებლებს, ეს იქნება მერის და პარტიების ბიულეტენები.

[თინათინ ზაზაძე, ახალციხე]