ახალციხის თემის საკრებულოში საჯარო მოხელეთა რანგირების განსაზღვრის მიზნით, სამუშაო ჯგუფი შეიქმნა

საჯარო მოხელის თანამდებობისადმი ფუნქციათა ერთობლიობის კუთვნილების დადგენის და პროფესიულ საჯარო მოხელის თანამდებობად გარდაქმნის მიზნით დროებითი სამუშაო ჯგუფი, ასე ქვია ჯგუფს, რომელიც ახალციხის მუნიციპალიტეტის საკრებულოსა და გამგეობის თანმაშრომლებს სხვადასხვა რანგს მიაკუთვნებს, აღნიშნულ ცვლილებას კი დასამტკიცებლად კი საკრებულოს წარუდგენს.

„ახალი საშტატო ნუსხით იქნება ოთხი რანგი, თითოეულ რანგში კი კატეგორიები. ჩვენ თვითმმართმმართველობებს უფლება გვაქვს, რომ სპეციალისტებს, რომლებსაც დაახლოებით ერთნაირი ფუნქციები აქთ, ერთ რომელიმე რანგს მივაკუთვნოთ. შესაბამისად ამას უნდა მსჯელობა, რადგან ერთპიროვნულად ვერ გავაკეთებთ, ამიტომ სამუშაო ჯგუფი შეიქმნა“, – განაცხადა ახალციხის მუნიციპალიტეტის საკრებულოს იურიდიულ საკითხთა კომისიის თავმჯდომარემ თამარ გოგინაშვილმა.

მისივე თქმით, სამუშაო ჯგუფი ორშაბათს 26 ივნისს შეიკრიბება.

„შესაძლოა ამ დღესვე შევიმუშაოთ რეკომენდაციები, რადგან დროში შეზღუდულები ვართ. შემდეგ წარვუდგენთ საკრებულოს თავმჯდომარეს, რომელიც საკრებულოზე დასამტკიცებლად გაიტანს. განკარგულება 1 ივლისამდე უნდა გავიდეს საკრებულოს სხდომაზე“, – განმარტავს თამარ გოგინაშვილი.

სამუშაო ჯგუფის შექმნა "საჯარო სამსახურის შესახებ" კანონის 1–ლი ივლისიდან ამოქმედების გამო გახდა საჭირო. 2015 წლის 27 ოქტომბერს „საჯარო სამსახურის შესახებ“ საქართველოს კანონში ცვლილებები შევიდა. ეს კანონი ძალაში 7 დღეში, პირველი ივლისიდან შევა.

თამარ გოგინაშვილის განმარტებით გარდა აღნიშნულისა, მიმდინარე წელს საქართველოს მთავრობამ მიიღო დადგენილება საჯარო მოხელეების რანგირებასთან დაკავშირებით, სადაც კონკრეტული მითითებებია, რომელის გათვალიწინებაც თვითმმართველობებს მოუწევთ:"ბევრი რეკომენდაციებია თვითმმართველობებში მოსული, ამ ყველაფერიდან გამომდინარე 1 ივლისამდე უნდა მოესწროს საჯაროში ასახული რეალობა მოვარგოთ თვითმმართველობის რეალობას".

„საჯარო სამსახურის შესახებ“ კანონში სიახლეა ისც, რომ საჯარო მოხელეები კლასებად დაიყოფა. საჯარო სამსახურში მუშაობის ერთი წელი ერთ კლასს უდრის. ცვლილებები საჯარო მოხელეთა კონკურსებსაც ეხება. იქნება ღია და დახურული კონკურსები.

[თინათინ ზაზაძე, ახალციხე]