ბათუმი–ახალციხის გზაზე დასაქმებულებს დავალიანება ისევ ნაწილობრივ მისცეს

ბათუმი– ახალციხის საავტომობილო გზის რეაბილიტაციაზე დასქმებულებმა, რომლებიც ორი თვეა სახელფასო დავალიანების სრულ ანაზღაურებას ითხოვენ, ჩასარიცხი თანხის ნაწილი გუშინ, 22 ივნისს მიიღეს. ნაწილს კი მას შემდეგ მიიღებენ, რაც გზის სარებილიტაციო სამუშაოები ბოლომდე დასრულდება.

„მუშების უმეტესობას ვინც აქ ვართ დასქმებული თითოს 4 000–ლარამდე გვაქვს ასაღები. დავალიანების დაფარვას ხუთიდან 10 ივლისამდე დაგვპირდნენ, მას შემდეგ რაც სამუშაეობს დავასრულებთ“,–გვიხსნის ბათუმი–ახალციხის გზის მშენებლობაზე დასაქმებული ოლეგ ჩილინგარაშვილი.

მისივე, თქმით სამუშაოები რამდენიმე დღეში დასრულდება, რადგან დაახლოებით ერთ კილომეტრზე, მხოლოდ ასფალტია დასასხმელი, სხვა სამუშაოები ამ დროისათვის უკვე დასრულებულია.

შეგახსნებთ, რომ სამ თვიანი სახელფასო დავალიანების გამო 60–მდე მუშა პროტესტის ნიშნად ჯერ კიდევ 3 მაისს გაიფიცა. მუშებმა გზაზე, ჯერ საპროტესტო აქცია გამართეს, შემდეგ კი სამუშაო პროცესი შეაჩრეს და ვიდრე კომპანია დავალიანებას არ აუნაზღაურებდა, სამუშაოების გაგრძელებას არ აპირებდნენ. დასაქმებული მუშების უმეტესობას ხელფასები 17 მაისს დაერიცხა, ნაწილმა კი დავალიანების ერთიმესამედი ივნისის თვეში მიიღო.

ბათუმი–ახალციხის საავტომობილო გზის 8,5 კმ–იანი მონაკვეთის რეაბილიტაციაზე საავტომობილო გზების დეპატრამენტმა ტენდერი 2016 წლის 16 იანვარს, 8.752.530 ლარზე გამოაცხადა. ტენდერში ორი კომპანია მონაწილოებდა. გამარჯვებული შპს სამშენებლო-სამონტაჟო საექსპლუატაციო საწარმო "ჩელიაბინსკტრანსსიგნალის” საქართველოს ფილიალი გახდა. 8.5 კმ–იან მონაკვეთზე შესასრულებელი სამუშაოების ღირებულება 8 მილიონ 500 ათასი ლარით განისაზღვრა. სამუშაოები გასული წლის გაზაფხულზე დაიწყო. მშენებლობა სავარაუდოდ ორ კვირაში დასრულდება.

[ლუბა გიორგაძე, ახალციხე]