კონკურსი „სტუდენტები სოციალური მეწარმეობის მხარდასაჭერად - 2017“ იწყება

სტუდენტური კონკურსი, ევროკავშირის დაფინანსებით, პროექტის "სოციალური მეწარმეობა, ინოვაციური მიდგომა ეკონომიკური და სოციალური ცვლილებებისთვის" ფარგლებში იმართება.

მისი მიზანია, ახალგაზრდებში სოციალური მეწარმეობის კონცეფციის პოპულარიზაცია და ასევე, არსებული სოციალური საწარმოებისთვის პრობლემური ამოცანების გადაწყვეტა.

სწორედ ამასთან დაკავშირებით, ახალციხეში სტუდენტებისათვის სემინარი გაიმართება. ორგანიზატორები მათ, სოციალური მეწარმეობის თემაზე ესაუბრებიან და კონკურსის დეტალებს გააცნობენ.

ორგანიზატორების თქმით, კონკურსი სტუდენტებს თავიანთი ცოდნის პრაქტიკაში გამოყენების შესაძლებლობას აძლევს, ასევე ხელს მათი ინტერესების სფეროს გაფართოებას უწყობს. კონკურსის მიმდინარეობისას სტუდენტები შეხვდებიან როგორც ქართველ სოციალურ მეწარმეებს, ისე ბიზნეს სექტორის წარმომადგენლებს.

კონკურსი 6 ეტაპად გაიმართება და მასში მონაწილეობის მიღება,საქართველოს უნივერსიტეტების ნებისმიერი ფაკულტეტისა და კურსის სტუდენტებს შეეძლებათ.

კონკურსის ორგანიზებას "საქართველოს სტრატეგიული კვლევებისა და განვითარების ცენტრი", ასევ "განათლების განვითარებისა და დასაქმების ცენტრი" უწევენ.

კონკურის მხარდამჭერები კი, ASB საქართველო, მიკროსაფინანსო ორგანიზაცია "კრისტალი", გერმანული ორგანიზაცია "პური მსოფლიოსთვის" და "ფოთის საზღვაო ნავსადგური" არიან.

ახალციხის გარდა, კონკურსის შესახებ სემინარები, საქართველოს კიდევ ოთხ ქალაქში ბათუმში, ქუთაისში, თბილისსა და თელავში გაიმართება.

კონკურსი „სტუდენტები სოციალური მეწარმეობის მხარდასაჭერად“ 2012 წლიდან იმართება.

[sknews.ge]