როგორი იყო წინასაარჩევნო პერიოდები 2012 და 2016 წლის არჩევნებზე – NDI

ეროვნულ-დემოკრატიული ინსტიტუტის (NDI) მიერ დღეს გამოქვეყნებული კვლევის მიხედვით, 2012 წლისა და 2016 წლის საპარლამენტო არჩევნების შედარებისას, მოსახლეობის უმეტესობა მიიჩნევს, რომ ორივე არჩევნებზე ძალადობის და ზეწოლის დონე მცირე იყო ან საერთოდ არჰქონია ადგილი.

თუმცა, პარტიების მხარდამჭერების მოსაზრებებს თუ შევადარებთ, „ქართული ოცნების“ მხარდამჭერები 2016 წლის წინასაარჩევნო პერიოდს აფასებენ უფრო დადებითად, „ნაციონალური მოძრაობის“ მარდამჭერები კი პირიქით, ამბობენ, რომ 2012 წელს გაცილებით დემოკრატიული წინასაარჩევნო გარემო იყო.

NDI–ს დაკვეთით ჩატარებული კვლევის მიხედვით, „ქართული ოცნების“ მხარდამჭერთა 24% ფიქრობს, რომ 2012 წლის ოქტომბრის საპარლამენტო არჩევნების წინა პერიოდში უფრო მეტი ძალადობა იყო, ვიდრე 2016 წელს, მაშინ როცა ასე, „ნაციონალური მოძრაობის“ მხარდამჭერთა მხოლოდ 7% ფიქრობს.

და, „ქართული ოცნების“ მხარდამჭერთა მხოლოდ 5% ფიქრობს, რომ 2016 წლის ოქტომბრის საპარლამენტო არჩევნების წინა პერიოდში უფრო მეტი ძალადობა იყო, ვიდრე 2012 წელს, მაშინ როცა, ასე ფიქრობს, ენმ–ს მხარდამჭერთა 35%.

არცერთი არჩევნების წინასაარჩევნო პერიოდში ძალადობას არ ჰქონია ადგილი, ფიქრობს, „ოცნების“ მხარდამჭერთა 56% და ენმ–ს მხარდამჭერთა 36%.



რაც შეეხება ზეწოლას წინასაარჩევნო პერიოდში, 2012 წლის ოქტომბრის საპარლამენტო არჩევნების წინა პერიოდში უფრო მეტი ზეწოლა იყო, ვიდრე 2016 წელს, – ასე ფიქრობს ‘ოცნების’ მხარდამჭერთა 22% და ენმ–ს მხარდამჭერთა 6% და პირიქით, 2016 წელს უფრო იყო ზეწოლა, ვიდრე 2012–ში, ფიქრობს, ‘ოცნების’ მხარდამჭერთა 4% და ენმ–ს მხარდამჭერთა 38%



ეროვნულ-დემოკრატიულმა ინსტიტუტმა (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების მეორე, პოლიტიკური ნაწილი ნაწილი დღეს წარადგინა.

გამოკითხვა 2016 წლის 4 ნოემბერი-4 დეკემბრის პერიოდში, საქართველოს მასშტაბით 3,141 პირისპირ ინტერვიუს წარმომადგენობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1,8%. NDI-ის კვლევებს აფინანსებს შვედეთის საერთაშორისო თანამშრომლობის განვითარების სააგენტო (Sida) და ატარებს CRRC-საქართველო.

[ნინო ნარიმანიშვილი, ახალციხე]