ბიზნესის ხელშემწყობი სახელმწიფო პროგრამები 2017 წელსაც გაგრძელდება

მცირე და საშუალო ბიზნესის ხელშეწყობის მიზნით, პროგრამა „აწარმოე საქართველოში“ 2017 წელსაც გაგრძელდება. მთავრობის ადმინისტრაციის ინფორმაციით, თუ აქამდე, პროგრამის ფარგლებში, სესხები აშშ დოლარში, ევროსა და ლარში გაიცემოდა, 2017 წლიდან მხოლოდ ეროვნულ ვალუტაში გაიცემა. სახელმწიფოს მხრიდან სესხის პროცენტის თანადაფინასება არ იცვლება, რჩება იგივე და განსაზღვრულია წლიური 10%-ის ოდენობით.

ასევე გაგრძელდება მიკრო და მცირე მეწარმეობის ხელშეწყობის პროგრამა, რომელიც გულისხმობს საქართველოს რეგიონებში (გარდა თბილისისა) მიკრო და მცირე ტიპის სამეწარმეო აქტივობების ხელშეწყობას ორი მიმართულებით: ბიზნესის წამოწყების ან არსებულის გაფართოებისთვის გრანტის გაცემას და დამწყები მეწარმეებისთვის ცოდნის მიწოდებას ტრენინგ-სემინარებისა და ინდივიდუალური კონსულტაციების მეშვეობით.

[sknews.ge]