‘რესპუბლიკელებს’ სამცხე-ჯავახეთის ორ ოლქში კანდიდატი არ ეყოლებათ

აქ, საქართველოს მთავრ საკანონმდებლო ორგანოში მანდატისათვის აშოტ საარიანი იბრძოლებს, რომელიც უკვე წლებია „რესპუბლიკელების“ პარტიის აახალქალაქის რაიონული ორგანიზაციის თავმჯდომარეა. ამის შესახებ, „სამხრეთის კარიბჭეს“ პარტიის ცენტრალურ ოფისში განუცხადეს.

„რესპუბლიკური პარტიის“ საზოგადოებასთან ურთიერთობის სამსახურის წარმომადგენელი თამარ ღვინიანიძე აცხადებს, რომ რეგიონის დარჩენილ ორ, ახალციხე-ადიგენსა და ბორჯომი-ასპინძის საარჩევნო ოლქში დეპუტატობის კანდიდატი არ ეყოლებათ.

„საქართველოში, სადაც ძლიერები ვართ, კანდიდატი იქ გვეყოლება. მანდ მაგდენი რესურსი არ გვაქვს“, -ამბობს ღვინიანიძე.

როდის დაასახელებენ „რესპუბლიკელები“ აშოტ საარიანს ოფიცილაურადა ნინოწმინდა-ახალქალაქის დეპუტატობის კანდიდატად, პარტიაში გადაწყვეტილი ჯერ არ არის.

შეგახსენებთ, რომ 2 სექტემბრის მდგომარეობით, დეპუტატობის კანდიდატები რეგიონში „ქართულმა ოცნებამ“, „ნაციონალურმა მოძრაობამ“, „პატრიოტთა ალიანსმა“, „ლეიბორისტებმა“, „ეროვნულმა ფორუმმა“ და სამმა საინიციატივო ჯგუფმა დაასახელა. სამცხე-ჯავახეთის სამ საარჩევნო ოლქში ოფიციალურად 14 კანდიდატია წარდგენილი.

2016 წლის საპარლამენტო არჩევნები 8 ოქტომბერს გაიმართება.

[ლუბა გიორგაძე, ახალციხე]