29.02.2020 - დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ მიწოდებული რეკომენდაციების საფუძველზე, საბაჟო გამშვებ პუნქტებში, ფინანსთა სამინისტროს შემოსავლების სამსახურის მებაჟე ოფიცრები და ექიმი ეპიდემიოლოგები 24 საათიან რეჟიმში ახორცილებენ მგზავრთა ინდივიდუალურ მონიტორინგს.
28.02.2020 - „საქართველოს ბანკი“ ადასტურებს, რომ მის ერთ-ერთ თანამშრომელს კორონავირუსი დაუდგინდა.
28.02.2020 - ჯანდაცვის მსოფლიო ორგანიზაციის ინფორმაციით, მთელს მსოფლიოში კორონავირუსის 82 294 შემთხვევაა გამოვლენილი. ჩინეთის გარდა, ვირუსი მსოფლიოს 46 ქვეყანაშია გავრცელებული.
28.02.2020 - საქართველოს მოქალაქე, რომელსაც ახალი კორონავირუსი დაუდასტურდა, იტალიიდან ქუთაისის აეროპორტში ჩამოვიდა. მან ინფექციურ საავადმყოფოს თავად მიმართა. დაავადებათა კონტროლის ეროვნულ ცენტრში არ გამორიცხავენ, რომ კორონავირუსის მესამე შემთხვევაც დაფიქსირდეს.
27.02.2020 - ირანის მოქალაქე თბილისის ინფექციური საავადმოფოს ბოქსირებული პალატიდან თვითნებურად გუშინ, 26 თებერვალს გამოვიდა, თუმცა სამედიცინო პერსონალმა ის უკან შეაბრუნა. დღეს კი 14-დღიანი კარანტინის გასავლელად აბასთუმნის ფილტვის ცენტრში მოათავსეს.
27.02.2020 - აბასთუმნის ფილტვის ცენტრის ექიმი–პულმონოლოგი თამაზ ჯიჯეიშვილი აცხადებს, რომ დაწესებულებაში, კორონავირუსზე დაკვირვებისთვის შეყვანილ პეციენტებს ვირუსის ნიშნები არ აქვთ, ისინი თავს კარგად გრძნობენ და ბოქსირებულ პალატებში იმყოფებიან.
27.02.2020 - დღეს, 27 თებერვალს, აბასთუმნის ფილტვის ცენტრში ის 15 ადამიანი შეიყვანეს, რომლებსაც პირველადი დაკვირვების შედეგად ვირუსი არ დაუდგინდათ, თუმცა რისკის ქვეშ იმყოფებიან.
27.02.2020 - ჯანდაცვის მინისტრი აცხადებს, რომ ქვეყანაში საკმარისი ადგილებია იმისთვის, რათა მოქალაქეები, რომელთაც კონტაქტი ჰქონდათ კორონავირუსით ინფიცირებულ ადამიანებთან, კარანტინში მოათავსონ. მისი თქმით, ამ ეტაპზე ეპიდემიის საფრხე არ არსებობს.
27.02.2020 - საქართველოს მთავრობა ავრცელებს ვიდეორეკომენდაციებს, რომელიც მსოფლიო ჯანდაცვის ორგანიზაციამ შეიმუშავა.
26.02.2020 - საქართველოში კორონავირუსის პირველი შემთხვევის დაფიქსირების შემდეგ პრემიერ მინისტრმა, გიორგი გახარიამ საგანგებო უწყებათაშორისი საკოორდინაციო ჯგუფი შექმნა.
26.02.2020 - მოქალაქეები, რომლებსაც კორონავირუსზე აკვირდებიან, შესაძლოა აბასთუმნის ფილტვის ცენტრში განათავსონ. სამედიცინო დაწესებულებაში საკარანტინო მზადყოფნაა.
26.02.2020 - დაავადებათა კონტროლის ცენტრის ხელმძღვანელის, ამირან გამყრელიძის განცხადებით, 50 წლამდე კაცი, რომელსაც კორონავირუსი აღმოაჩნდა, ერთი კვირის განმავლობაში ირანში მოგზაურობდა. იგი საქართველოში გუშინ, 25 თებერვალს დაბრუნდა.
26.02.2020 - კორონავირუსი საქართველოს მოქალაქეს დაუდგინდა – ჯანდაცვის მინისტრის, ეკატერინე ტიკარაძის საგანგებო ბრიფინგი.