16.03.2020 - თბილისის ინფექციური საავადმყოფოდან კორონავირუსით დაინფიცირებული პირველი პაციენტი გაწერეს. იგი ერთი კვირის განმავლობაში თვითიზოლაციაში იქნება.
16.03.2020 - საქართველოში კორონავირუსის პრევენციის მიზნით, უწყებათაშორისი საკოორდინაციო საბჭო მოუწოდებს კაფეების, რესტორნების და ბარების მეპატრონეებს, დროებით შეზღუდონ მოქალაქეების უშუალო მომსახურება.
16.03.2020 - სახელმწიფო რწმუნებულმა ბესიკ ამირანაშვილმა, მთავრობის გადაწყვეტილებით, ეთნიკური უმცირესობების წარმომადგენლებს, ქალაქის მერთან,რწმუნებულის მოადგილეებთან, სამხარეო ადმინისტრაციის წარმომადგენლებთან ერთად ახალციხეში სომხურ ენებზე ახალ კორონავირუსთან (COVID-19) დაკავშირებული რეკომენდაციების შესახებ, სპეციალური საინფორმაციო ფლაერები დაურიგა.
16.03.2020 - დღეიდან, 16 მარტიდან ერთი თვით, სომხეთში საგანგებო მდგომარეობა გამოცხადდა. გადაწყვეტილება სომხეთის მთავრობის სხდომაზე დღეს, 16 მარტს მიიღეს.
16.03.2020 - კორონავირუსთან დაკავშირებით, ახალციხის სათნოების სახლის ბენეფიციარებისთვის როგორც მენიუ, ასევე საჭმლის მიწოდების ფორმაც შეიცვალა.
16.03.2020 - უცხო ქვეყნის მოქალაქეებისთვის საქართველოში შემოსვლა მომდევნო ორი კვირის განმავლობაში იკრძალება. ამის შესახებ დღეს, 16 მარტს პრემიერ-მინისტრის მრჩევლმა ირაკლი ჩიქოვანმა, საკოორდინაციო საბჭოს სხდომის დასრულების შემდეგ განაცხადა.
16.03.2020 - კორონავირუსის გავრცელების პრევენციის მიზნით შექმნილი საკოორდინაციო საბჭო, 70 წელს გადაცილებულ მოქალაქეებს რეკომენდაციით მიმართავს.
16.03.2020 - ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, ახალი კორონავირუსით ინფიცირებული რვა პაციენტიდან, ოთხის მდგომარეობა შედარებით მძიმეა.
16.03.2020 - დაავადებათა კონტროლის ეროვნული ცენტრის, სამცხე-ჯავახეთის განყოფილების ინფორმაციით, 16 მარტის მონაცემებით, თვითიზოლაციაში მყოფი ადამიანების რიცხვი 15–ით გაიზარდა. აბასთუმნის საკარანტინო ზონაში კი 16 პირია მოთავსებული.
16.03.2020 - საქართველოში კორონავირუსით ინფიცირებული პირველი პაციენტი, 50 წლამდე კაცი, საბოლოოდ გამოჯანმრთელდა. ბოლო 24 საათში ჩატარებულმა ორმა ტესტმა კორონავირუსზე უარყოფითი პასუხი აჩვენა.
15.03.2020 - ხვალ, 16 მარტიდან, საქართველოსა და რუსეთის ფედერაციას შორის მოქალაქეთა გადაადგილება დროებით იზღუდება.
15.03.2020 - აბასთუმნის ფილტვის ცენტრის საკარანტინო ზონაში დღეს, 15 მარტის მონაცემებით 15 პირი იმყოფება.
15.03.2020 - თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსით ინფიცირებული მეორე პაციენტის პირველადი ტესტი უარყოფითია.
![კორონავირუსისგან თავდაცვის ინსტრუქციები [ვიდეო] ®](/uploads/posts/2020-03/1584199424_rchevebi.jpg "კორონავირუსისგან თავდაცვის ინსტრუქციები [ვიდეო] ®")
14.03.2020 - რჩევები კორონავირუსისგან თავის დასაცავად ხელმისაწვდომია სომხურ ენაზე ჩვენი თანამოქალაქეებისთვის - შერიგებისა და სამოქალაქო თანასწორობის საკითხებში სახელმწიფო მინისტრის აპარატი.
14.03.2020 - საქართველოში ახალი კორონავირუსით ინფიცირებულთა რიცხვი 5-ით გაიზარდა და ამ დროისთვის 30 შემთხვევაა დადასტურებული. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული.
14.03.2020 - მარინა ეზუგბაიას ინფორმაციით, კორონავირუსით ინფიცირებულ პირველ პაციენტზე ტესტირებამ აჩვენა, რომ ის გამოჯანმრთელდა.
13.03.2020 - დაავადებათა კონტროლის და საზოგადოებრივი ჯანდაცვის ეროვნული ცენტრის ხელმძღვანელის ამირან გამყრელიძის განცხადებით, საქართველოში კორონავირუსის შემთხვევები მოიმატებს, რადგან ინფექცია მსოფლიოს 127 ქვეყანაშია დაფიქსირებული.
13.03.2020 - თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კლინიკაში კორონავირუსით ინფიცირებული 22 პაციენტი ჰყავთ. მათი მდგომარეობა დამაკმაყოფილებელია. ამ დროისთვის კორონავირუსზე ანალიზების პასუხს 18 პაციენტი ელოდება.
13.03.2020 - ახალციხის მუნიციპალიტეტის მასშტაბით არსებულ კათოლიკურ და სომხურ ტაძრებს, ასევე სინაგოგასა და მუსლიმურ სასწავლებელს დეზინფექცია ჩაუტარდა. სამუშაოებს შესასრულებლად მოლაპარაკება მიმდინარეობს მართლმადიდებლური მხარესთან.
13.03.2020 - თვითიზოლაციაში მყოფი მოსამსახურეების მიერ შესაბამისი წესების დაცვის კონტროლს, საქართველოს თავდაცვის ძალების სამხედრო პოლიციის დეპარტამენტი განახორციელებს.
FM97.5 / LIVE