19.03.2020 - შინაგან საქმეთა სამინისტროს ინფორმაციით, ერთობლივი მონიტორინგის შედეგად, თვითიზოლაციის წესების დარღვევის კიდევ 28 ახალი ფაქტი გამოვლინდა. საკარანტინო ზონებში, იძულების წესით, ჯამში, 127 ადამიანია გადაყვანილი.
19.03.2020 - პატრიარქის ლოცვა–კურთხევით ბორჯომის ქუჩების კურთხევა მიმდინარეობს.
19.03.2020 - ეკონომიკის სამინისტრო საქართველოში წარმოებული პირბადეების პირველ პარტიას, რომელიც ნახევარ მილიონს შეადგენს, უსასყიდლოდ იმ ადამიანებს გადასცემს, ვისაც სამსახურებრივი მოვალეობის გამო ყოველდღიურ რეჟიმში სხვა ადამიანებთან უწევთ კონტაქტი.
19.03.2020 - ინფექციური საავადმყოფოს სამედიცინო დირექტორის, ეზუგბაიას განმარტებით, მის კლინიკაში მყოფი 31 პაციენტიდან, სამის მდგომარეობა პრობლემურია. მათ შორის, ერთი პაციენტი 80 წელზე მეტის არის და მას თანმხლები დაავადება აქვს.
19.03.2020 - დღეს, 19 მარტს საქართველოში ახალი კორონავირუსის შემთხვევები 40–მდე გაიზარდა. ამის შესახებ ინფორმაცია მთავრობის მიერ შექმნილ ოფიციალურ ვებგვერდზე stopcov.ge-ზეა განთავსებული.
18.03.2020 - ჯანდაცვის მსოფლიო ორგანიზაციის გენერალურის დირექტორის განცხადებით, კორონავირუსის საწინააღმდეგო პირველი ვაქცინის გამოცდა დაიწყო.
18.03.2020 - უკვე ჩავთვალოთ, რომ საქართველოში დაიწყება მეოთხეული გადაცემა და ჩვენი საპასუხო ღონისძიებების სისტემა უნდა გარდავქმნათ ამ დონის ეპიდემიის დროს ეფექტიანი საქმიანობისთვის, – ამის შესახებ ინფექციური საავადმყოფოს გენერალურმა დირექტორმა, თენგიზ ცერცვაძემ საქართველოს პირველი არხის გადაცემა „მოამბეში“ განაცხადა.
18.03.2020 - დღეს, 18 მარტს სამცხე-ჯავახეთის სამხარეო ადმინისტრაციაში, კორონავირუსთან დაკავშირებით, საკოორდინაციო საბჭოს შეხვედრა გაიმართა, სადაც ერთ–ერთ საკითხად ტრანსპორტთან დაკავშირებული რეგულაციები განიხილეს.
18.03.2020 - დღეს, 18 მარტს ახალციხეში თვითიზოლაციაში მყოფმა მოქალაქემ პირობები დაარღვია, იგი კარანტინში გადაიყვანეს.
18.03.2020 - ინფექციური საავადმყოფოს დირექტორის თენგიზ ცერცვაძის განცხადებით, კორონავირუსით ინფიცირებული ორი პაციენტის ჯანმრთელობის მდგომარეობა მძიმეა. მისი თქმით, კლინიკაში მყოფი 30 ინფიცირებულიდან პნევმონია 11 პაციენტს აქვს.
18.03.2020 - საქართველოს მართლმადიდებელი ეკლესიის საპატრიარქოში, 20 მარტს სინოდის სხდომაა დაგეგმილი. სავარაუდოდ, დღის წესრიგში კორონავირუსის გამო შექმნილი მდგომარეობა განიხილება.
18.03.2020 - ირაკლი ჩიქოვანის განცხადებით, პრემიერ–მინისტრმა სოფლის მეურნეობის სამინისტროს დაავალა, რომ შვიდ ძირითად პროდუქტზე: ბრინჯზე, მაკარონზე, ზეთზე, ფქვილზე, შაქარზე, ხორბალსა და რძის ფხვნილზე ფასები შენარჩუნდეს.
18.03.2020 - კორონავირუსის პრევენციის მიზნით, სამცხე–ჯავახეთისა და წალკის სომეხთა სამოციქულო მართლმადიდებლური ეკლესია დიდ ხუთშაბათამდე წირვას „კარდახურული“ ჩაატარებს, ასევე დროებით აღარ გაიმართება ქორწინებისა და ნათლობის ცერემონიებიც.
18.03.2020 - საქართველო მრავალჯერადი გამოყენების პირბადეების დამზადებას იწყებს. პროცესში ჩართულია კერძო ბიზნესიც. პირბადეების პირველ პარტიას სახელმწიფო შეიძენს.
18.03.2020 - 24 საათში სამცხე–ჯავახეთში თვითიზოლაციაში მყოფი მოქალაქეების რიცხვი 70–ით გაიზარდა.
18.03.2020 - დღეიდან, 18 მარტიდან საქალაქო ავტობუსები ახალციხეში აღარ იმოძრავებენ. სატრანსპორტო კომპანია "ჯეოტივის" ხელმძღვანელის, ნუგზარ მამუკაშვილის თქმით, მერიამ დროებით დაფინანსება შეუწყვიტა.
18.03.2020 - დღეს, 18 მარტს დაბა ასპინძაში მოქალაქემ თვითიზოლაციის პირობები დაარღვია, რის გამოც ის საპატრულო ეკიპაჟმა დააკავა.
18.03.2020 - ეკატერინე ტიკარაძე აცხადებს, რომ მას შემდეგ, რაც მოსახლეობაში დაფიქსირდება ინფიცირების უკონტროლო ზრდა, ჯანდაცვის სამინისტრო მასობრივ ტესტირებას დაიწყებს, მანამდე კი ტესტების შესაძენად აქტიურ მოლაპარაკებებს აწარმოებენ კორეასთან და ჩინეთთან.
18.03.2020 - პრემიერ-მინისტრი გიორგი გახარია აცხადებს, რომ სწავლის აღდგენა 26 აპრილამდეც სრულფასოვნად ვერ მოხერხდება.
18.03.2020 - საქართველოში მცხოვრები მუსლიმი თემი, კორონავირუსის პრევენციის მიზნით, ლოცვის წესებს ცვლის. გადაწყვეტილების მიხედვით, ვიდრე ეპიდემიის გავრცელების საშიშროებაა, მლოცველს შეუძლია თავი შეიკავოს მეჩეთებში პარასკევისა და სხვა ლოცვების ჯამაათით შესრულებისგან.