24.03.2020 - "Վրաստանի կառավարությունը և ես, այսօր դիմում ենք Վրաստանի նախագահին ամբողջ երկրի մասշտաբով մինչև 2020 թվականի ապրիլի 21-ը արտակարգ իրավիճակ հայտարարելու համար",- այս մասին հայտնեց Վրաստանի վարչապետ Գիորգի Գախարիան.
23.03.2020 - ბორჯომისა და ბაკურიანის ეპარქიის ეპისკოპოსი ლაზარე სამადბეგიშვილი მრევლს მოუწოდებს საგანგებო მდგომარეობის შესახებ მთავრობის ყველა რეგულაცია ზედმიწევნით შეასრულონ და მაქსიმალურად შეეცადონ სახლში დარჩენას.
23.03.2020 - 23 მარტის მონაცემებით, მსოფლიოს 194 ქვეყანაში, კორონავირუსით დაინფიცირების 366 857 შემთხვევა დაფიქსირდა, მათგან 101 065 განიკურნა, ხოლო 16 098 გარდაიცვალა.
23.03.2020 - სამცხე-ჯავახეთში, რელიგიურმა უმცირესობებმა, ვირუსის გავრცელების პრევენციის მიზნით, ღვთისმსახურებებისას მრევლის მონაწილეობაზე უარი თქვეს. მათი განმარტებით, სალოცავებში მრევლის თავშეყრა ინფექციის გავრცელების მიზეზი გახდება. სხვაგვარად ფიქრობენ საქართველოს მართლმადიდებლურ ეკლესიაში.
23.03.2020 - სომხეთის ორ მედიასაშუალებას ქვეყნის შინაგან საქმეთა სამინისტრომ სტატიების წაშლა მოსთხოვა. უწყებამ „არავოტისა“ და „ჰრაპარაკის“ მასალები „პანიკის გამომწვევ ინფორმაციად“ შეაფასა. ამგვარი ინფორმაციის გავრცელება სომხეთში საგანგებო მდგომარეობის გამოცხადების შემდეგ აიკრძალა.
23.03.2020 - ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის თქმით, კორონავირუსით ინფიცირებული შვიდი ახალი პაციენტიდან სამი აჭარაშია, ოთხი თბილისში.
23.03.2020 - stopcov.ge-ზე არსებული ინფორმაციით, დღეს, 23 მარტს კორონავირუსით ინფიცირებული შვიდი ახალი პაციენტი გამოვლინდა, 3 320–მდე გაიზარდა კარანტინში მყოფი პირების რაოდენობაც.
23.03.2020 - ბარსელონაში ახალციხის თეატრის ყოფილი მსახიობი, 73 წლის სერგო მელაძე კორონავირუსის ინფექციით გარდაიცვალა. ის ოჯახთან ერთად ესპანეთში დაახლოებით 25 წლის წინ წავიდა.
23.03.2020 - საქართვლოს მთავრობის დადგენილებით, 23 მარტიდან იკრძალება ქორწილების, ქელეხებისა და ისეთი სოციალური შეკრებების გამართვა, სადაც დახურულ სივრცეში 10 ადამიანზე მეტი იყრის თავს. სამცხე-ჯავახეთში ამ დადგენილების აღსრულებას ადგილობრივი თვითმმართველობის თანამშრომლები, მათ შორის მერიის წარმომადგენლები და ადგილობრივი პოლიცია გააკონტროლებენ.
23.03.2020 - ჯანდაცვის ექსპერტ აკაკი ზოიძის თქმით, კორონავირუსით ინფიცირებული პაციენტის კონტაქტების რაოდენობა 1 700-მდეა. მისი თქმით, შეიძლება არსებობდეს 540 ინფიცირებული, 10 ჯერ მეტი შემთხვევა, რომელებსაც სიმპტომები გამოვლენილი არ აქვთ.
23.03.2020 - სამცხე-ჯავახეთის მართლმადიდებლურ ტაძრებში ღვთისმსახურება ჩვეული განრიგით აღევლინება. სასულიერო პირები ამბობენ, რომ მსახურებისას მთავრობისა და ჯანდაცვის ორგანიზაციების რეკომენდაციებს ითვალისწინებენ, თუმცა ზიარების წესი არ შეუცვლიათ.
23.03.2020 - 23 მარტის მონაცემებით, ნინოწმინდის მუნიციპალიტეტიდან კარანტინში ოთხი პირია გადაყვანილი. სათემო რადიო „ნორის“ ინფორმაციით, აქედან სამი იძულებით, თვითიზოლაციის წესების დარღვევისთვის, ერთი კი საბაჟო გამშვები პუნქტიდან.
23.03.2020 - ახალი საკარანტინო ზონა ბაკურიანის სასტუმრო „კრისტალში“ მოეწყო. დღეის მდგომარეობით სამცხე-ჯავახეთში სულ ხუთი საკარანტინო ზონა მოქმედებს.
23.03.2020 - ექიმების განმარტებით, საქართველოში კორონავირუსით ინფიცირებული 10 პაციენტის მდგომარეობა რთულია, მათ ორმხრივი პნევმონია და თანმხლები დაავადებები აქვთ, რაც გამოჯანმრთელების პროცესს ართულებს.
23.03.2020 - ქვეყანაში არსებული საგანგებო მდგომარეობის გამო, საგანმანათლებლო დაწესებულებებში, სასწავლო პროცესი 21 აპრილამდე გადაიდო. შესაბამისი დადგენილება საქართველოს მთავრობამ დღეს, 23 მარტს გამოსცა.
23.03.2020 - დარჩი სახლში და წაიკითხე რას წერენ მშობლებსა და ბავშვებს მასწავლებელი გიორგი ლიპარიშვილი და საბავშვო მწერალი ვასო გულეური. ერთი სახალისო რჩევა – თამაში კი ჩვენგან, თქვენ მშობლებო და ბავშვებო.
23.03.2020 - უცხოეთიდან საქართველოს მოქალაქეების დასაბრუნებლად უახლოეს სამ კვირაში შვიდი ავიარეისი შედგება. 10 აპრილამდე დაგეგმილი ფრენების განრიგი ჟურნალისტებს საგარეო საქმეთა მინისტრმა გააცნო.
23.03.2020 - ორ დღეში საქართველოს მოსახლეობისთვის მიზნობრივი ტესტირების ჩატარება შეგვეძლება - ამის შესახებ ჯანდაცვის მინისტრმა მთავრობის ადმინისტრაციაში გამართულ ბრიფინგზე განაცხადა.
23.03.2020 - ქრონიკული დაავადების მქონე პირები და 70 წელს გადაცილებული პენსიონერები მედიკამენტებს „საქართველოს ფოსტის“ საშუალებით მიიღებენ. ამის შესახებ ჯანდაცვის მინისტრმა, ეკატერინე ტიკარაძემ განაცხადა.
23.03.2020 - stopcov.ge-ზე არსებული ინფორმაციით, 23 მარტის მონაცემებით საქართველოში კორონავირუსით ინფიცირებული 54 პაციენტიდან, ჯამში რვა გამოჯანმრთელდა. სტაციონარში მეთვალყურეობის ქვეშ 235 პირი იმყოფება.
FM97.5 / LIVE