01.09.2020 - ოპოზიციონერ მიხაილ ხოდორკოვსკის დაარსებულმა საგამოძიებო ჟურნალისტურმა პლატფორმამ – „დოსიე“ გამოაქვეყნა დოკუმენტები, რომლითაც დგინდება, რომ პარტია „პატრიოტთა ალიანსს“ წინასაარჩევნოდ რუსეთი აფინანსებს და წინასაარჩევნო კამპანიასაც რუსეთის ხელისუფლებასთან დაკავშირებული პირები უგეგმავენ, რომლებიც, თავის მხრივ, ამ საქმიანობის შესახებ ანგარიშს სახელმწიფო სტრუქტურებს აბარებენ.
01.09.2020 - დღეს, პირველ სექტემბერს "ევროპულმა საქართველომ" ახალციხე-ადიგენი-ასპინძა–ბორჯომის საარჩევნო ოლქში მაჟორიტარი დეპუტატობის კანდიდატად ზურა ჩილინგარაშვილი დაასახელა.
31.08.2020 - „ევროპული საქართველოს“ ახალციხის შტაბს ახალი ხელმძღვანელი ჯერ არ ჰყავს. მას შემდეგ, რაც აღნიშნული პოსტი გელა დემეტრაძემ დატოვა, შტაბს დროებით ზურაბ ჩილინგარაშვილი ხელძღვანელობს. იგი ამავდროულად პარტიის მაჟორიტარობის კანდიდატი იქნება ახალციხე-ადიგენი-ასპინძა-ბორჯომის ოლქში.
27.08.2020 - ახალციხის საკრებულოში „ქართული ოცნება – მწვანეების“ დაშლის შემდეგ ახალი ფრაქცია, „ქართული ოცნება – ახალციხე“ შეიქმნა. „მწვანეების“ უკვე ყოფილი თავმჯდომარე თამარ გოგოლაძე დარწმუნებულია, რომ მისი ფრაქცია ახალციხის მერის, ზაზა მელიქიძის დავალებით დაიშალა.
26.08.2020 - სამცხე–ჯავახეთის ყოფილი გუბერნატორი, რომელიც ახალციხე–ადიგენი–ასპინძა–ბორჯომის ოლქში მაჟორიტარობის კანდიდატად განიხილება, რეგიონის განვითარების პოტენციალზე საუბრობს, მისი აზრით „ქართულმა ოცნებამ“ თავისი შესაძლებლობები ამოწურა.
26.08.2020 - „ევროპული საქართველო“ ახალციხე-ადიგენი-ასპინძა-ბორჯომის საარჩევნო ოლქში, 2020 წლის ოქტომბრის არჩევნებში, მაჟორიტარი დეპუტატობის კანდიდატად პარტიის პოლიტსაბჭოს წევრს, ზურა ჩილინგარაშვილს დაასახელებს.
24.08.2020 - პოლიტიკური მოძრაობა „დავით ჭიჭინაძე–ტრიბუნა“ ახალციხე–ადიგენი–ბორჯომი–ასპინძის საარჩევნო ოლქში, მაჟორიტარი დეპუტატობის კანდიდატად სამცხე–ჯავახეთის ყოფილ გუბერნატორს, გელა კვარაცხელიას წარადგენს.
21.08.2020 - „ევროპული საქართველოს“ ერთ–ერთი ლიდერი, გიგა ბოკერია ახალციხის რაიონული ორგანიზაციიდან გელა დემეტრაძის და მისი გუნდის წასვლას ეხმაურება და აცხადებს, რომ დემეტრაძემ გადაწყვეტილება არა პარტიული ინტერესებიდან, არამედ ვაჟა ჩიტაშვილან ნაცნობობის და ხათრის გამო მიიღო, ამიტომაც იგი პარტიიდან გაუშვეს.
20.08.2020 - ახალციხე-ასპინძა-ადიგენი-ბორჯომის საარჩევნო ოლქში „თავისუფალი საქართველოს“ მაჟორიტარი დეპუტატობის კანდიდატი შეიძლება გოდერძი კუბლაშვილი იყოს. პარტიაში აცხადებენ, რომ მის კანდიდატურას განიხილავენ.
20.08.2020 - „ევროპული საქართველოს“ ახალციხის რაიონული ორგანიზაციის უკვე ყოფილი თავმჯდომარე, გელა დემეტრაძე აცხადებს, რომ მისი გუნდის და პარტიის ინტერესები ერთმანეთს ეწინააღმდეგებოდა, ამიტომ „ევროპული საქართველოს“ რიგები დატოვა და 2020 წლის ოქტომბრის საპარლამენტო არჩევნებში ენმ–ს კანდიდატის, ვაჟა ჩიტაშვილის გამარჯვებისთვის იბრძოლებს.
20.08.2020 - "ევროპული საქართველოს" ახალციხის რაიონული ოფისის წარმომადგენლებმა, პარტიის დატოვების შესახებ გადაწყვეტილება მიიღეს.
20.08.2020 - „ევროპული საქართველოს“ წევრები ახალციხის რაიონული ორგანიზაციის ოფისში იკრიბებიან, დღეს, 20 აგვისტოს, გადაწყდება ვის დაატოვებინებენ პარტიის რიგებს ვაჟა ჩიტაშვილის მხარდაჭერის გამო.
19.08.2020 - „ევროპული საქართველოს“ ერთ–ერთი ლიდერის, სერგი კაპანაძის განცხადებით, გელა დემეტრაძის თავმჯდომარის პოსტიდან გადაყენების და პარტიიდან გარიცხვის შესახებ გადაწყვეტილება მას შემდეგ მიიღეს, რაც გაირკვა რომ დემეტრაძე ოქტომბრის არჩევნებში მხარს ენმ–ს კანდიდატს დაუჭერს.
19.08.2020 - დღეს, 19 აგვისტოს პარტია „თავისუფლება-ზვიად გამსახურდიას გზამ“ ახალციხე-ადიგენი-ასპინძა-ბორჯომის საარჩევნო ოლქში, მაჟორიტარი დეპუტატობის კანდიდატად ზურა ხუციშვილი წარადგინა.
18.08.2020 - ახალციხე-ადიგენი-ასპინძა-ბორჯომის ოლქში "ევროპული საქართველოს" წევრებმა, შესაძლოა პარტია დატოვონ და ენმ-ს რიგებს შეუერთდნენ. პარტიის წევრები აღნიშნულ ინფორმაციას გვიდასტურებენ, თუმცა ახალციხის ორგანიზაციის თავმჯდომარე ფაქტს არც უარყოფს და არც ადასტურებს.
18.08.2020 - ბორჯომისა და ასპინძის დამოუკიდებელი დეპუტატი, გედევან ფოფხაძე 2020 წლის ოქტომბრის საპარლამენტო არჩევნებში, გამარჯვებისთვის „ჩვენი საქართველო - სოლიდარობის ალიანსის“ სახელით იბრძოლებს. იგი დღეს, 17 აგვისტოს დიდუბე-ჩუღურეთის ოლქში მაჟორიტარი დეპუტატობის კანდიდატად დასახელეს;
17.08.2020 - ახალციხე-ადიგენი–ასპინძა–ბორჯომის საარჩევნო ოლქში, „ქართული ოცნების“ მაჟორიტარი დეპუტატობის კანდიდატმა, ანტონ ობოლაშვილმა წინასაარჩევნო კამპანია, დღეს 17 აგვისტოს ოფიციალურად დაიწყო. რეგიონში დასახელებულ სხვა კანდიდატებს ამომრჩევლებთან შეხვედრები არ დაუწყიათ.
17.08.2020 - ყოფილი შს მინისტრი, ვანო მერაბიშვილი ახალციხე-ადიგენი-ასპინძა-ბორჯომის საარჩევნო ოლქში, ოპოზიციური პარტიების წარმომადგენლებს შეხვდა. როგორც შტაბების ხელმძღვანელებმა გვითხრეს, იგი წინასაარჩევნო კამპანიაში აქტიურად მიიღებს მონაწილეობას.
16.08.2020 - 2020 წლის საპარლამენტო არჩევნებზე, სამცხე–ჯავახეთში "ნაციონალური მოძრაობა" სავარაუდოდ ვაჟა ჩიტაშვილს დაასახელებს.
13.08.2020 - პოლიტიკური გაერთიანება "ლელო საქართველოსთვის" სამგორის მაჟორიტარი დეპუტატობის კანდიდატი, ფიქრია ჩიხრაძე ამბობს, რომ მისი კანდიდატურა სამგორთან ერთად, ახალციხე–ადიგენი-ასპინძა–ბორჯომის მაჟორიტარულ ოლქშიც განიხილებოდა. არჩევანის გაკეთება რთულ რეგიონსა და რთულ რაიონს შორის მოუწია.