16.09.2020 - ნინოწმინდაში, ხოჯაბეკის დასახლებაში 5 750 თივის პრესი დაიწვა. ხანძარი გამთენისას სამ საათზე გაჩნდა.
15.09.2020 - დღეს, 15 სექტემბერს ასპინძის შესასვლელთან ტრაილერი გზიდან გადავარდა, შედეგად მძღოლმა თავის არეში დაზინება მიიღო.
12.09.2020 - ახალციხეში, სოფელ ღრელთან ავარიისას დაშავებული ახალგაზრდებიდან ორს მხოლოდ ზედაპირული დაზიანებები აღენიშნება, ორის მდგომარეობა კი, შედარებით მძიმეა, მათ პოლიტრავმები აქვთ.
12.09.2020 - დღეს, 12 სექტემბერს, ავარია მოხდა სოფელ ღრელთან, საფარისკენ მიმავალ გზაზე. თვითმხილველების თქმით მიცუბიშის მარკის მანქანა, სადაც ოთხი ადამიანი იჯდა გზიდან გადავარდა და რამდენჯერმე ამოტრიალდა.
12.09.2020 - ახალციხეში, სოფელ წყრუთში, ხანძრის შედეგად ორი დამხმარე ნაგებობა დაიწვა. შენობებს ცეცხლი დღეს, 12 სექტემბერს, დაახლოებით 15 საათზე გაუჩნდა.
09.09.2020 - დღეს, ცხრა სექტემბერს, ახალციხეში კოსტავას ქუჩაზე "მიცუბიშის" მარკის მანქანის მძღოლმა საჭე ვერ დაიმორჩილა და ტროტუარზე მიმავალ ორ ქალს დაეჯახა, დაშავებულები კლინიკაში გადაიყვანეს.
07.09.2020 - ახალქალაქში, კუმურდოს გზაზე მსუბუქი მანქანა და მიკროავტობუსი ერთმანეთს შეეჯახნენ, მომხდარის შედეგად ადგილზე გარდაიცვალა ერთი ადამიანი, დედა და ორი მცირეწლოვანი ბავშვი კი დაშავდნენ.
02.09.2020 - ახალციხეში, სოფელ მუგარეთთან მომხდარი ავარიის შედეგად ხუთი პირი დაშავდა, აქედან ერთის მდგომარეობა მძიმეა, იგი კატასტროფის ჯგუფმა თბილისში გადაიყვანა.
02.09.2020 - დღეს, ორ სექტემბერს, ახალციხეში, სოფელ მუგარეთთან ორი მსუბუქი მანქანა ერთმანეთს შეეჯახა. არიან დაშავებულებიც.
31.08.2020 - საგანგებო სიტუაციების მართვის სამსახურის განცხადებით, წინუბნის ტყეში ამარათის მთის ფერდობზე, ბორჯომ-ხარაგაულის ტყე-პარკის ტერიტორიაზე გაჩენილი ხანძარი ლიკვიდირებულია.
31.08.2020 - ახალციხეში, წინუბნის ტყეში, ამარათის მთის ფერდობზე ხანძრის სალიკვიდაციო სამუშაოები განახლდა. ადგილზე 70-მდე მეხანძრე-მაშველი მუშაობს, რა ფართობია დამწვარი ამ ეტაპისთვის უცნობია.
30.08.2020 - საგანგებო სიტუაციების მართვის სამსახურის ინფორმაციით, წინუბნის მიმდებარედ ტყეში ხანძარი ლოკალიზებულია. ცეცხლის ლიკვიდაციის სამუშაოები ხვალ დილიდან გაგრძელდება.
30.08.2020 - ახალციხეში, წინუბნის ტყეში, ამარათის მთის ფერდობზე გაჩენილ ცეცხლს მეხანძრე–მაშველებთან და რეინჯერებთან ერთად ადგილობრივებიც აქრობენ. შემთხვევის ადგილზე წინუბნის, გურკელის და მიმდებარე სოფლების მოსახლეობა ავიდა.
30.08.2020 - დღეს, 30 აგვისტოს, ზანავი-კორტანეთის საავტომობილო გზაზე მიმავალი მსუბუქი მანქანა ხევში გადავარდა. შემთხვევის შედეგად ერთი გარდაიცვალა და ოთხი დაშავდა.
30.08.2020 - დღეს, 30 აგვისტოს ახალციხეში, სოფელ წინუბნიდან დაახლოებით 20 კილომეტრში, ბორჯომ–ხარაგაულის ეროვნული პარკის ტერიტორიაზე ხანძარი გაჩნდა.
25.08.2020 - ასპინძაში, სოფელ ხიზაბავრაში მცხოვრები მანუჩარ მურადაშვილი ამბობს, რომ გამგებლის ყოფილმა წარმომადგენელმა კ.პ–მ და მისმა მეგობარმა ი.გ–მ გაიტაცეს, სცემეს და საკუთარი ხელით საფლავის გათხრა აიძულეს. ისინი მურადაშვილს მოპარული თანხის დაბრუნებას სთხოვდნენ. დაზარალებული ამბობს, რომ მას არაფერი მოუპარავს.
25.08.2020 - დღეს, 25 აგვისტოს სამცხე-ჯავახეთის უნივერსიტეტის პირველ კორპუსში მდებარე ბიბლიოთეკაში ხანძარი გაჩნდა. ადგილზე მობილიზებული იყო ორი სახანძრო მანქანა.
25.08.2020 - კახეთიდან ჩამოსული მწყემსები ამბობენ, რომ თორიას მცხოვრებლებმა სოფლის საძოვრებით სარგებლობის სანაცვლოდ იმაზე მეტი ცხვარი მოითხოვეს, რაზეც შეთანხმებულები იყვნენ. დაპირისპირება მომთაბარე მწყემსებსა და ადგილობრივებს შორის ამის გამო დაიწყო.
24.08.2020 - ნინოწმინდაში, სოფელ თორიას საძოვრებზე მომხდარი დაპირისპირების შედეგად, სამედიცინო დახმარება ხუთ პირს დასჭირდა, ექიმების განმარტებით, მათ დაზიანებები თავის არეში აღენიშნებოდათ.
24.08.2020 - ნინოწმინდის მუნიციპალიტეტში, სოფელ ეფემოვკაში ხარი შუახნის კაცს დაეჯახა, მიყენებული დაზიანებების გამო, დაშავებული შემთხვევის ადგილზე გარდაიცვალა.