ახალციხელი ახალგაზრდების წარმატება ბულგარეთში, საერთაშორისო ფესტივალზე

სიმღერის ჯგუფის „პალიტრის“ გოგონები ბულგარეთში, ქალაქ ნესებრში, ფესტივალ "ოქროს ქვიშებზე", საკუთარი ხარჯებით გაემგზავრნენ.

16 წლის ასაკობრივ კატეგორიაში გვანცა სუდაძეს მესამე ადგილი, 15 წლის ასაკობრივ კატეგორიაში მარიამ წიქარიშვილს მეორე ადგილი, 8 წლის ასაკობრივ კატეგორიაში კი ხათუნა ბალიაშვილს მესამე ადგილი ერგო.

გოგონების პედაგოგი, ანსამბლის ხელმძღვანელი მარინა მჭედლიძე კი ფესტივალზე ორიგინალური ნომრების წარდგენისთვის დააჯილდოვეს.

რამდენიმე თვის წინ, ანსამბლ „პალიტრის“ მომღერლებმა თბილისში გამართულ გიორგი ცაბაძის სიმღერის კონკურსზე ათი პირველი ადგილიც მოიპოვეს.

ანსამბლი 1995 წლიდან არსებობს. ამ ეტაპზე "პალიტრას" 30 მოსწავლე ჰყავს.

[ვარლამ წიკლაური, ახალციხე]