საქართველოდან აზერბაიჯანისთვის იარაღის მიწოდების ცნობას სომხეთის საელჩო უარყოფს

სომხეთის საელჩომ განცხადება დღეს, ორ ოქტომბერს გაავრცელა, თუმცა ტექტს თან არ ერთვის ვიდეო, რომელზეც უწყება საუბრობს.

მათი განცხადებით, ინტერნეტში გავრცელებულ ვიდეოში ნათქვამია, თითქოს ბორჯომში გადაღებული სამხედრო ტექნიკა აზერბაიჯანში მიჰქონდათ.
სიმართლეს არ შეესაბამება.

"გაცნობებთ, რომ ვიდეოში ნაჩვენები სამხედრო ტექნიკა ეკუთვნის საქართველოს შეიარაღებულ ძალებს, ხოლო, გადაადგილება განპირობებული იყო საქართველოს უსაფრთხოებით. საელჩო მოუწოდებს ყველას, თავი შეიკავონ გადაუმოწმებელი ინფორმაციის გავრცელებისგან, რამაც შეიძლება, გამოიწვიოს პანიკა და არასასურველი შედეგები", – ნათქვამია განცხადებაში.



თურქეთიდან საქართველოს გავლით, აზერბაიჯანში იარაღის შეტანაზე საუბრობდნენ ადგილობრივები ახალქალაქში 29 სექტემბერს გამართულ აქციაზე. სომხური თემი პროტესტის ნიშნად სარკინიგზო ხაზის გადაკეტვას გეგმავდა, თუმცა სამართალდამცავების და ადგილობრივი ხელისუფლების წარმომადგენლების მისვლის შემდეგ აქცია დაიშალა.

მთიანი ყარაბაღისთვის სომხეთსა და აზრბაიჯანს შორის დაპირისპირება 27 სექტემბერს დაიწყო. ამ ხნის განმავლობაში ორივე მხარეს დაიღუპა ათობით ადამიანი, სამხედროებთან ერთად გარდაცვლილები არიან სამოქალაქო პირებიც.

[sknews.ge]