რუსეთში საარჩევნო უბნები არ გაიხსნება

ინფორმაციას ინტერნეტგამოცემა „ინტერპრესნიუსი“ ავრცელებს. ზალკალიანის განმარტებით, რუსეთის ფედერაციაში საარჩევნო უბნების გახსნა რთულია, ვინაიდან, რუსეთთან ქართულ მხარეს დიპლომატიური ურთიერთობა არ აქვს, საარჩევნო უბნების გახსნა კი ბევრ ორგანიზაციულ საკითხთანაა დაკავშირებული.

მინისტრის მოადგილე ამბობს, რომ ბოლო არჩევნები, რუსეთის ფედერაციაში, 2003 წელს ჩატარდა და მაშინდელი ინფორმაციით მხოლოდ 5 000 კაცი იყო აღრიცხვაზე. ამდენად, საუბარი, რომ მილიონობით ადამიანი ვერ მიიღებს არჩენებში მონაწილეობას, სამართლიანი არარის: „გამომდინარე იქედან, რომ მილიონამდე ქართველს რომელიც რუსეთში იმყოფება, იქედან ძალიან ბევრს რუსეთის ფედერაციის მოქალაქეობის დამადასტურებელი საბუთი აქვს. არჩევნებში მონაწილეობას კი მხოლოდ ის პირები იღებენ, ვისაც აქვს საქართველოს პასპორტი და იმყოფება საკონსულო აღრიცხვაზე".

ზალკალიანის განცხადებით, დიპლომატიური ურთიერთობის არქონის პირობებში აუცილებლად მოუწევდათ შესვლა რუსეთის ხელისუფლების წარმომადგენლებთან კონტაქტში. გარდა ამისა, არ იყო გარანტიც, რომ უსაფრთხოება უზრუნველყოფილი იქნებოდა.

შეგახსენებთ, რომ მიმდინარე წლის 2 ოქტომბერს, ‘ჯავახეთის დიასპორამ რუსეთში’ გაავრცელა განცხადება, რომელშიც საქართველოს ხელისუფლებას მოუწოდებს საპრეზიდენტო არჩევნებისთვის საარჩევნო უბნები რუსეთის ფედერაციის ტერიტორიაზეც გახსნას. წინააღმდეგ შემთხვევაში, ორგანიზაცია საქართველოს საკონსტიტუციო სასამართლოში სარჩელის შეტანას გეგმავს.

[sknews.ge]