ბორჯომის სკვერში საკანალიზაციო სისტემა შეაკეთეს

წყალმომარაგების კომპანიის ბორჯომის სერვის ცენტრის უფროსის ვახტანგ ლაცაბიძის განმარტებით, დაზიანებული საკანალიზაციო სისტემისა და მისგან დაბინძურებული სკვერი დღეს, 20 ნოემბერს დაასუფთავეს.

"ჩვენი თანამშრომლები პარკში გუშინვე მივიდნენ, მაგრამ ვერ გაწმინდეს, რადგან ამისთვის ძლიერ წნევიანი მანქანა იყო საჭირო. ჩამოვიყვანეთ გორიდან და ამჟამად გაჭედილი საკანალიზაციო ჭები გაწმენდილია. ტერიტორია ფეკალური მასებისგან სუფთავდება", – ამბობს ვახტანგ ლაცაბიძე.

შეგახსენებთ, რომ ბორჯომში კოსტავას სახელობის სკვერი, იქ სადაც საბავშვო ატრაქციონები დგას, ფეკალური მასებით გუშინ დაბინძურდა. მიზეზი საკანალიზაციო სისტემის მწყობრიდან გამოსვლა გახდა.

[თინათინ ზაზაძე, ბორჯომი]