ყოფილი თანამშრომლები საკრებულოს წინააღმდეგ – სასამართლო საქმის განხილვას იწყებს

ახალციხის რაიონულ სასამართლოს ახალციხის ადგილობრივი თვითმმართველობის თანამშრომლების ეკა ტატალაშვილისა და თეა ბაღდოშვილის საქმის განხილვა დღეს, პირველ თებერვალს, 13:00 საათზე უნდა დაეწყო. თუმცა, ახალციხის მუნიციპალიტეტის მერიის წარმომადგენლის შუამდგომლობით პროცესი ცხრა თებერვლამდე გადაიდო.

ეკა ტატალაშვილი და თეა ბაღდოშვილი ადგილობრივი თვითმმართველობის ორგანოებში რამდენიმე წელიწადი მუშაობდნენ. უფრო კონკრეტულად, ეკა ტატალაშვილი 2014 წლიდან, ახალციხის თემის საკრებულოში კადრების და წერილების საკითხებში, უფროსი სპეციალისტის პოზიციაზე მუშაობდა. 2015 წლის იანვრიდან, ქალაქის საკრებულოში საორგაიზაციო საკითხებში სპეციალისტი იყო თეა ბაღდოშვილი. რანჯირების მიხედვით, ორივე მათგანს მესამე რანგის მეორე კატეგორიის უფროსი სპეციალისტის წოდება ჰქონდა. მუნიციპალიტეტების რეორგანიზაციის შემდეგ, თვითმმართველობაში არცერთი მათგანი აღარ დაასაქმეს.

[Sknews.ge]