ადიგენის საკრებულოში თავმჯდომარის იმპიჩმენტი ჩავარდა [Photo/Video]

რიგგარეშე სხდომა ადიგენში დღეს, 15 თებერვალს გაიმართა. სხდომა ხმაურით მიმდინარეობდა. საკრებულოს ყოფილი თავმჯდომარის, იმედა მღებრიშვილის განმარტებით (რომელიც ამ პოზიციაზე ლობჯანიძის იმპიჩმენტის შემდეგ დაინიშნა), ლობჯანიძის თავმჯდომარეობის პერიოდში მუშაობა არაკოორდინირებულად მიმდინარეობდა, ლობჯანიძე აიგნორებდა გამგეობიდან შესულ საკითხებს და არაგუნდურად მართავდა საკრებულოს.

მღებრიშვილის ამ განცხადების შემდეგ, ლობჯანიძემ საკითხების დაკონკრეტება მოსთხოვა, რასაც სხდომაზე ხმაური მოჰყვა. ლევან ლობჯანიძის თქმით, მისი მუშაობისადმი ყოველთვის ჩასაფრებულები იყვნენ, რომ შეცდომა აღმოეჩინათ.



საკითხის განხილვის შემდეგ, ფარული კენჭისყრა დაიწყო. სხდომას 25 დეპუტატი ესწრებოდა , თუმცა, ერთმა, "ერთიანი ნაციონალური მოძრაობის" წევრმა, რატი ტატალაშვილმა კენჭისყრაში მონაწილეობისგან თავი შეიკავა. 24 ბიულეტენიდან, 2 გაბათილდა, 22 ხმა კი ასე გადანაწილდა – 15–მა დეპუტატმა ხმა მისცა ლობჯანიძის გადაყენებას, მისი პოზიციაზე დარჩენის მომხრე კი 7 დეპუტატი იყო.



ეს ლობჯანიძის იმპიჩმენტის მეორე მცდელობა იყო. პირველად იგი 2015 წლის 4 მარტს გადააყენეს. ლობჯანიძემ გადაყენება უკანონოდ მიიჩნია, სასამართლოს გზით იბრძოლა და სამივე ინსტანცია მოიგო, შედეგად, იგი პოზიციაზე ერთი კვირის წინ დაბრუნდა. იურისტების განმარტებით, რადგან თვითმმართველობის არჩევნებამდე 1 წელზე ნაკლები რჩება, დეპუტატებს ლობჯანისთვის იმპიჩმენტის განმეორებით მოწყობა აღარ შეუძლიათ.



[ლუბა გიორგაძე, ოთარ აწყურელი, ადიგენი]