მერიის ერთჯერადი საჩუქარი შშმ პირებს

ინფორმაციას ამის შესახებ ახალციხის მერია ავრცელებს. განცხადების მიხედვით, შეზღუდული შესაძლებლობის მქონე პირთა საერთაშორისო დღესთან დაკავშირებით, ქალაქ ახალციხის მერი ვლადიმერ ზედგინიძე, მერის წარმომადგენლებთან და კულტურის სამსახურის თანაშრომლებთან ერთად, შეზღუდული შესაძლებლობის მქონე პირებს ესტუმრა და საჩუქრად საოჯახო ტექნიკა და ტკბილეული გადასცა.

„ჩვენ გვესმის,რომ მძიმეა თქვენი მდგომარეობა,სახელმწიფო ყველაფერს აკეთებს თქვენს დასახმარებლად, ვეცდებით, კიდევ უფრო შეგიმსუბუქოთ ის მძიმე ხვედრი, რომელიც თქვენ გხვდათ წილად“, - განაცხადა ქალაქ ახალციხის მერმა ვლადიმერ ზედგინიძემ.

„ახლციხის მერია 2016 წლის ბიუჯეტიდან, სოციალური დახმარების გაცემის წესის გათვალისწინებით ახალციხის მუნიციპალიტეტის ტერიტორიაზე მცხოვრებ 46 შშმ პირს 300 (სამასი) ლარს პირად ანგარიშზე ჩაურიცხავს“, – ვკითხულობთ განცხადებაში.

[sknews.ge]