ცესკოს ბრიფინგების განრიგი არჩევნების დღეს

ცენტრალური საარჩევნო კომისია, ამომრჩევლების და ყველა დაინტერესებული მხარის დროულად ინფორმირების მიზნით, 8 ოქტომბრის დილის 08:30 სთ-დან პერიოდულად საინფორმაციო ბრიფინგებს გამართავს. ბრიფინგები ორ საათიანი შუალედით ჩატარდება.

საინფორმაციო ბრიფინგების განრიგი შემდეგია:

8:30 სთ;
10:30 სთ;
12:30 სთ;
15:30 სთ;
17:30 სთ;
20:30 სთ;

ცესკოს ინფრმაციით განრიგი საჭიროების შემთხვევაში შეიძლება შეიცვალოს.

ასევე, 24 საათიან რეჟიმში იმუშავებს როგორც ცესკოს სატელეფონო/საინფორმაციო ცენტრი - 2 51 00 51, ისე ონლაინ ჩატი და ონლაინ ოპერატორი. შესაბამისად ყველას შეეძლება პასუხის მიღება არჩევნებთან დაკავშირებული ამა თუ იმ საკითხის შესახებ.

ხვალ, 8ოქტომბერს საარჩევნო უბნები მთელი ქვეყნის მასშტაბით 07:00 საათზე გაიხსნება, თუმცა უბნებზე ერთი საათის განმავლობაში, კენჭისყრის მოსამზადებელი პროცედურები გაიმართება.

ამომრჩეველს ხმის მიცემა 08:00 საათიდან შეეძლება. კენჭისყრა 08:00 საათიდან 20:00 საათამდე გაიმართება.

შეგახსენებთ, რომ სამცხე–ჯავახეთში არჩევნების დღეს 212 საარჩევნო უბანი გაიხსნება, სადაც 146.160 ამომრჩეველია რეგისტრირებული.

რეგიონის მასშტაბით პარლამენტში მოსახვედრად 27 მაჟორიტარი დეპუტატობის კანდიდატი იბრძოლებს.

ახალციხის მერის რიგგარეშე არჩევნებში კი, რომელიც ასევე 8 ოქტომბერს ჩატარდება 5 კანდიდატია რეგისტრირებული.

მეცხრე მოწვევის პარლამენტის არჩევამდე რამდენიმე საათია დარჩენილი.

[sknew.ge]